Nikum chhungin Lunglei district-ah thubuai 132 ziak lut; conviction rate 94.11%

Aizawl | March 2, 2021: Lunglei district crime review neiin, niikum chhung khan Lunglei district chhungah case 132 ziahluh a ni.

Lunglei District Police Crime Review Meeting chu vawiin khan SP’s Conference Hall, Lunglei ah neih a ni a. Crime Review Meeting hi Pu Jacob Hlychho, MPS, Addl. Superintendent of Police Lunglei District, Lunglei in kaihruaiin Lunglei District chhunga SDPO leh O/C te zawng zawng bakah Investigating Officer te zawng zawng an tel a. Pu.TL Guite District & Session Judge, Lunglei Judicial District, Lunglei leh District Court Lunglei a P.P. leh APP ten Crime Review Meeting hi an hmanpui bawk a ni.


Crime Review Meeting hi Session hnih(2) ah then a ni a. 1st Session ah hian Pu.TL Guite District & Session Judge, Lunglei Judicial District hnen atangin thusawi ngaihthlak a ni a. Pu Jacob Hlychho, MPS, Addl. Superintendent of Police Lunglei District chuan Lunglei District Executive Force Brief Report power point presentation a nei bawk a ni. 2nd session ah hian Pu.C.Lalfakmawi SDPO, Lunglei in Crime Scenario of Lunglei District power point presentation nei in Investigating Officer te nen  Review & Discussion of cases neih ho a ni bawk. He Crime Review Meeting ah hian Lunglei District chhunga police officer te chu tun aia nasa leh zuala thawk rim tur leh dan leh thupek kenkawh chungchangah theihtawp chhuah zel tura infuihtharna neih a ni a.


Kum kalta 2020 chhung khan Lunglei District chhungah thubuai chi hrang hrang 132 ziah luh a ni a, Unnatural Death Case 42 ziahluh a ni bawk. Heng zinga thubuai case 118 te chu Court-ah charge sheet thehluh a ni.  Court a thubuai chinfel tawh zat hi case 68 a ni a conviction rate hi 94.11% a ni. Nikum 2020 chhung khan case register atanga thilbo hmuh let zat hlut zawng hi Rs.1,089,548/- a ni a.

Tun kum 2021 February thla thleng khan Lunglei District-ah thubuai 28 ziah luh a ni tawh a, heng zingah hian case 15 te chu Court ah charge sheet  thehluh tawh ni in Unnatural Death case paruk(6) ziah luh ni bawk. Zurui buaina siam/khawtlang/chhungkua tana hnawksak complaint case 21 ziah luh a ni tawh a, he mi kaihhnawih ah hian mihring 29 man an ni. Tin, hemi bakah hian Mizoram Police Act 2011 dan hmangin Police in khawtlang tan leh chhungkua leh mihring leh midang tana bengchheng leh buaina siam Complaint Case 15 siam a ni a, he mi kaihhnawih ah hian mihring 20 man an ni a, convict vek an ni bawk.
Kum 2020 chhung khan Traffic rules bawhchhia te hnen atangin pawisa chawitir zat chu Rs.5,41,500/- ni in kumin 2021, February thla thlenga Traffic rules bawhchhia te sum chawi zat chu Rs.1,21,250/- a ni bawk.
Nikum 2020 chhung khan Covid-19 in kaihhruaina dan bawhchhiate pawisa chawitir zat chu Rs.9,27,600 /- ni in kum 2021 February thla thleng khan Rs.1,55,200/- a  ni.
Kum 2020 leh kum 2021 chhunga Lunglei District case conviction rate a tha thawkhat hle a, hei hi Lunglei Police te leh Court a hnathawktute tan hona leh mipuite tawiawmna leh inpekna rah a ni in mipuite tawiawmna ah Lunglei District Police te chuan lawmthu an sawi a ni.

- DIPR

Post a Comment

0 Comments