'Living next door to Alice'

C Lalthazuala

Sally-i chuan min rawn au tuarh tuarh a. Engvang nge aw chutitak a thlabar a ka ṭhiannu chuan min rawn koh tuar tuar mai ti a hman hmawh tak a kawngka a kan zuang chhuak zet chu,...ka thil hmuh chuan min va barakhaih tak em.


" Kan khua...khaw lian vaklo, thingtlang khaw mawi tak leh boruak nuam em em mai a kan naupan lai aṭanga ka ṭhian, ka ngainat chhunni leh thla te ka lo chhiar pui ṭhin, nui hiauva kan khawdai phul vel a ka lo infiampui ṭhin Alice-i ngei mai chu..

"Limousine car sei takah a bungrua leh thuamhnaw zawng zawng tel fel thlapa lo hlang diam tawhin, kal mai turin a driver seatah chuan a lo ṭhu fel at tawh mai. Ka ṭhiannu, Sally-i pawn mak titakin a lo thlir mek bawk."
Motor a tinung ta, inthlah nana han inbiak lum lamna hun pawh a awm dawn ta lo,Alice i chu a va ti mak em.

Motor a tinung a tlan chhuak dawn ta.
A va mak em, lunglam ka vai....mu leh mal pawh ka nei thei lo...ka chavai.
" Alice-i te nen hian kan vangkhawpui, khawpui te tham tak, mahse mawi em em maiah lo piang a lo seilian tlangin, inṭhenawm tlang rengin kan lo seilian a, dai phul hmun leh kan khaw bula thinglian pui pui ding velte chu kan fang kual tlang ṭhin a. A hawng chhah pui puiah te chuan kan hming te kan ker vel ṭhina, kan va hlim ṭhin tak em.

Chutiang tak kan hun leh nite  hmang chho ṭhinin, khawvel dang hi a awm ve tih pawh ngaihtuah changlo lekin kum 24 lai chu kan lo inzui a ni si a.
Alice-i chuan a Limousine car chu a tiche ta....muang tein a tlan ṭan ta.speed la a a tlanchak hma...muang te a a tlan ṭan lai tak chuan a rawn leh hawi ve nghe nghe a, amah makti taka lo thlirtu  chu chiang takin min rawn melh vawng vawng a.a hma lam a thlir leh thuai a, Limousine car chu a tlan liam ta.
Sawi tur reng ka hre lo, engtinnge ka awm pawh ka hrethiam lo.

Chutia hrilh hai taka ka din reng lai chuan ka bul a ding ka ṭhiannu Sally-i chuan..."hawh teh, i lut ang, i rilru thlakthleng mai teh, Alice-i chu dan rual lohin a liam ta si.Kum 24 chhung Alice-i laka beisei neia i nghak ang khan kei pawh hian nang hi kum 24 zet dawhtheihna nen ka lo nghak ve tawh che a sin tiin"

Post a Comment

0 Comments