DIPR in sawrkar website tha lawmman dawng

Aizawl | March 31, 2021: ICT Department bultumin nimin khan sawrkar website tha thlanna, Government Website Excellence Award, 2020 sem a ni a, Department of Information & Public Relations website chu pakhatna a ni.

He hun hi ICT Minister Pu Robert Romawia Royte chu khuallian a ni a, Government Website Excellence Award, 2020 semna hi SAD Conference Hall, MINECO-ah neih a ni.

🔹️Government Website Excellence Award, 2020 dawngtute:

1. Department of Information & Public Relations

2. Department of Personnel & Administrative Reforms

3. Department of Health & Family Welfare

🔹️Lawmman pakhatna hian Rs 2,00,000/-, pahnihna hian Rs 1,00,000/- leh pathumna hian Rs 50,000/- bakah lawmpuina certificate a keng tel theuh a ni.

🔹️Award dawngtur thlanna atan hian Committee pahnih - Technical Evaluation Committee leh Selection Committee din a ni a. Technical Evaluation Committee hi Chief Informatics Officer, ICT chairman-na hnuaiah din niin, member te chu- IT, Department, MZU; NIC, Mizoram, NIELIT, Mizoram te an ni a. He committee hian tehfung hrang hrang - mipui tan an website content a pawimawh dan te, data a dik tawk leh tawkloh te, content an update that leh thatloh te, layout hmuh nuamin a awm leh awmloh te, link tha lo leh blank a awm em tih te bakah content tam dan a zira mark an pek chu Selection Committee ah thehluh a ni. Selection Committee hi ICT Minister chairman na hnuaiah din a ni. Pakhatna hian mark 120 atangin mark 100 a hmu a, pahnihna hian mark 98 a hmu a, pathumna hian mark 97 a hmu a ni.

- DIPR