COVID-19: Positive pathum hmuhchhuah belh; enkawl lai mi 20 awm mek!

#Hri vei tamna ber Aizawl district-ah mi 12 awm mek!

Aizawl | March 1, 2021: Nimin khan Mizoram-ah hri vei pathum hmuhchhuah belh a ni a. Positive hmuhchhuah belh hi RAT khawl hmanga sample test atanga hmuhchhuah vek a ni.

Hetihlai hian Nimin khan enkawlna atangin enkawl dam tawh mi 2 an chhuak a ni. 

Sawrkar thuchhuahin a tarlan danin, tun dinhmun-ah Mizoram a hri vei hmuhchhuah tawh zawng zawng hi mi 4426 niin, dam tawh mi 4396 an ni a, enkawl lai mi 20 an awm mek a, nunna chan zat hi mi 10 an ni.

Tunah hian hri vei hmuhchhuah tawh zawng zawng hi mi 4426 niin, Mipa 3229 niin, Hmeichhia hi 1197 an ni.

Tun dinhmun-ah Aizawl district-ah hri vei tam berin mi 12 an awm a, Champhai-ah 4 awmin, Saitual-ah 2, Lunglei-ah 1, Mamit-ah 1  te an awm a ni.

💠RAgT positive

Aizawl District

➡️ Upper Republic: Hmeichhia kum 31, Kolkata a damlo kalpui an lo haw dawn (24.2.2021) a RT-PCR test Negative, Negative result neih avanga Airport a RAgT test loh a ni. Private Hospital a staff nurse hnathawk, symptom a neih avanga a thawhna Hospital a sample test leh a ni.

➡️Mamit: Mipa kum 68, January thla a Tripura atanga zin lo haw, a lo haw hlim a RAT test negative a ni. Symptom neih vanga Private Hospital pakhat a in test, hri kaina chhui mek

Saitual District

➡️Hnahlan: Hmeichhia kum 2, Manipur atanga lo haw, Tuivai Screeing point a lo test, symptom nei lo a ni.

(Note: ICMR guidelines angin positive an ni tih hmuhchhuahna district ang zelin chhinchhiah an ni.)

💠Sample Test zat:

➡️ZMC Lab

Aizawl-28

➡️TrueNAT lab

Lunglei-2

Champhai-3

Kolasib-3

Khawzawl-1

Saitual-2

➡️RAgT

Aizawl-406

Lunglei-102

Siaha-14

Champhai-29

Mamit-123

Kolasib-214

Serchhip-20

Lawngtlai-46

Khawzawl-3

Saitual-1

Hnahthial-13

Total-1 1010