Aizawl | Feb 16, 2021: Aizawl Municipal Corporation (AMC) inthlanna vawi 3-na chu tukin zing dar 7 atang khan AMC councillor thlanna atan mipuiin vote an thlak tan.
Inthlan hi AMC ward 19-a polling station 274-ah neih niin, vawiin tlai dar 4 thleng vote thlak theih a ni dawn a ni.
Ruahman lawk ang chuan vote tla te hi tunkar Ningani-ah chhiar a ni dawn a ni.
SEC in a tarlan danin, AMC roll-ah AMC huam chhungah vote nei mi 218870, mipa 1,01,675, hmeichhia 1,17,195 an awm mek.
Tukin dar 7 khan Chief Minister Pu Zoramthangan Ward No 3 Ramhlun Venglai ah vote a thlak.
AMC bial 19 inthlanna atan hian vote nei mi nuai 2 sing 1 leh 8,870 te chuan Aizawl khawpui enkawltu turte an thlang dawn a, mipa voter nuai 1 leh 2086 leh hmeichhe voter nuai 1 sing 1 leh 8026 an awm a, ward a voters tam ber chu Ward 18 niin voter sing 1 & 7585 an awm a, a tlemna ber chu Ward 8-na niin voter 7232 an awm.
Venghlui-II chu polling station ah voter tamna ber a ni a, vote thlak thei mi 1197 awmin PTC Lungverh chu polling station a vote thlak thei nei tlem ber niin, voter 378 an awm a ni.
He inthlanna atan hian rorellai MNF chuan bial 19 an chuh kim vek a, Congress leh ZPM pawhin bial zawng zawng an chuh kim a, BJP chuan bial 9-ah candidate an dah a. He inthlanna chuhtu zawng zawng hi 66 an ni.
AMC inthlana vote tla te hi Feb 18 chawhma Dar 10:00 ah chhiar tan a ni dawn a, Pachhunga University College, College Veng ah chhiar a ni ang.
Tun tum vote thlakna hmanrua atan Electroning Voting Machine hman a ni.
Post a Comment
He post chungchanga i ngaihdan lo sawi ve rawh: