PZP Joint Headquarters : Aizawl-in hruaitu tur inthlang; President atân Golden K. Lalnunhlima

Aizawl | February 27, 2021: Vawiin khân Zotlang Hall-ah Pang Zirlai Pawl, Joint Headquarters Aizawl Kum 2021- 2022 hruaitu thlangin President atân Golden K. Lalnunhlima an thlang.


Pang Zirlai Pawl Joint Headquarters: Aizawl Kum 2021-2022 hruaitu thlan thar te chu President atân Golden K. Lalnunhlima, Vice President atân Ishmael C. Lalthanhawla, Secretary atân K. Lalrintluanga, Asst. Secretary atân Victor Ramthanmawia, Treasurer atân Hlimthangmawia leh Fin. Secretary atân Fellic Zaihmingthanga te an ni.

He hunah hian  Centenary C. Lalzahawma Adviser chuan thu sawiin, kan hnam tân theihtâwp chhuah tur leh zirnaah tûn aia hma sâwn tûrin kal khâwmte a fuih a. Zirna hi hnam din chhuahna bul a nih thu leh eng ang pawha mi inzirsâng, hnam hmangaih nachâng hrelotu ai chuan Pâwl khat pawh passed lo hnam hmangaihtu a hlut zâwk thu a sawi bawk.

PZP General Headquarters 
Vice President Lalhmangaihzuala chuan thu sawiin, kal khâwmte kan hnam nghahfâk kan nihzia leh theihtâwp chhuaha mi thiam tak tak ni tûrin a chah a. Hnam inlungrual tak nih a pawimawhzia leh kan hnam tân theihtâwp a chhuah tûr thute sawiin. Pâng hnam hi hmun hrang hrangah kan awm a, khawiah pawh awm ila kan hnamin harsatna a tawh chuan kan harsatna a ni tih hria ila, kan hnam tân rinawm takin i awm tlat ang u tiin kal kâwmte a chah bawk a ni.

He hunah hian PZP Joint Headquarters, Aizawl president Golden K. Lalnunhlima pawhin thu sawiin Pang hnam a din chhuah theih nan an inlungrual a ngaih thu leh, inlungrualna a awm phawt chuan ṭanrual a awl thute a sawi a. Kan hnam tan thil ṭha kan tih theih apiang ti a, kan hnam hi zahpui lo tûrin kal khâwmte a chah bawk.

First Session hman zawh a nih hnuin Election hi neih nghal a ni.
Lalhmangaihzuala Vice President PZP Gen. Headquarters chu Returning Officer (R.O) niin inthlan hi a kaihruai a, inthlan kalphung te sawiin inthlan hi ṭan a ni.

Post a Comment

He post chungchanga i ngaihdan lo sawi ve rawh:

Previous Post Next Post