PZP-in general assembly hmangin hruaitu thar thlang

Aizawl | February 6, 2021: Pang Zirlai Pawl (PZP) General Headquarters chuan February 2-4 khan Multipurpose Hall, Vaṭhuampui -ah General Assembly cum Election ropui takin an hmang.


He hun hi MZP President B Vanlaltana, Zo Re-Unification (ZORO) Thalai President L Ramdinliana Rethlei leh LSA General Headquarters Vice President MC Vanlalrova ten an hmanpui bawk.

He hunah hian Pang Zirlai Pawl General President Herbert Ramengmawia'n thu sawiin, PZP Founder President Pu C. Ronghakliana, MZP President Pu B. Vanlaltana, Zo Re-unification Organisation (ZORO) Thalai President Pu L. Ramdinliana Renthlei leh LSA General Headquarters Vice President ten thu an sawi bawk.


February 4 khan kum 2021-2022 chhunga PZP hmalakna tur hrang hrang Rorel palai kalkhawm ten an rel a. Chawhnu lamah Kum 2021 - 2023 chhûnga PZP General Headquarters hruaitu thar thlânna neih a ni a. Kum 2021- 2023 chhûnga hruaitu thlan thar te chu hêng mite hi an ni.

President Vanbiakliana, Vice President  C Lalhmangaihzuala, General Secretary Samson Lalthanzama, Asst. Gen. Secretary : Logos C. Lalnunhima, Treasurer : R.Lalṭhazuala,leh Fin Secretary atan  Gabriel Lalrinsiama te thlan an ni.


He hunah hian President thlan thar Vanbiakliana pawn thu sawiin, Pang hnam tan ṭanrual a ngaih thu te a sawi a, inlungrual taka ṭanghoa hna an thawh a ṭulzia te a sawi bawk. He hunah hian Pangfa Zirlai tithate chawimawina hun hman a ni a, General Assembly hmannaah hian tlâng hrang hrang atangin palai mi 170 chuang an kal khâwm a ni.

Post a Comment

0 Comments