Aizawl | Feb 13, 2021: Mizoram Rajya Sabha MP Pu K.Vanlalvena chuan Union Minister of State for Home Pu G.Kishan Reddy chu a pisa-ah hmuin kumin February ni 9 zana Bairabi Zophai leh Garmurra Assam a thil thleng chungchang leh thil dangte a thlen.
MP chuan Mizoram chhunga Mizoram sawrkar mi tirhte Assam mi ten kut an lo thlak chungchang leh chumi avanga mihring chenna in hal te, Garmurra mission compound a Mizo Missionary chhungkua te chunga kutthlak a nih thu te Minister hnenah hian a thlen a. Assam chuan thenawm state dangte nen ramri buai an neih vek thu leh hei hi British inrelbawlna in ramri diklo a hnutchhiah vang a ni, tih sawiin Assam state a bet lo tur behtir avanga harsatna hi thleng thin a ni tih a sawi a. Central sawrkarin a rang thei ang bera ramri dik a siam loh chuan hmarchhak state te chu ramri chungchangah ram hrang leh ram hrang ang maia indo thei an nih thu Pu Kishan Reddy hnenah hian a thlen bawk a ni.
Pu Vanlalvena chuan kum 2019 a Mizoram tlawmngai pawlte nen Delhi-a meeting an neih tumin Union Home Minister Pu Amit Shah-an Mizoram chhung Bangladesh Border-a duty tur Mizo tlangvalte puala BSF Battalion din a lo tiam tawh chu tih hlawhtlin a tul thu pawh Minister hnenah hian a thlen a ni.
Post a Comment
He post chungchanga i ngaihdan lo sawi ve rawh: