Aizawl | February 12, 2021: MZP leh GIG Motors chuan vawiin khan HSLC 2020 Top 10 a Mizo lang mi 15 te scholarship an hlan a, School education director James Lalrinchhana chuan khuallian niin hun a hmanpui.
Scholarship hlanna inkhawm, MZP Conference Hall, Aizawl-a neih hi MZP vice president Peter Chhangte in kaihruaiin, Synod Moderator Rev Dr C Lalhrila'n hunserh a hmang.
Khuallian chuan thu sawiin, zirlaite chu hlawhtlinna chang tura taima taka thawk a, an hlawhtlinna te ram leh hnam leh mi dang tana luangchhuak leh ngei turin a chah bawk.
Khuallian James Lalrinchhana chuan, Pawl 10 leh 12 te Jan 22 ah zirna in hawn a nih thu sawiin, pawl 9 leh 11 pawh zirna in an kal vat theih nana ruahmanna siam mek a nih thu a sawi.
He hunah hian MZP president B Vanlaltana leh GIG Motors neitu John Lalpeka te'n fuihna thu an sawi bawk.
Scholarship hi mi pakhat tan cheng 12,000 pek niin, GIG Motors thawktu te'n an trust hmanga an thawhkhawm a ni.
Post a Comment
He post chungchanga i ngaihdan lo sawi ve rawh: