COVID-19: Hripui vangin mi pakhat boral; Enkawl lai mi 15 awm mek

Aizawl | Feb 15, 2021: Ramhlun north a cheng putar kum 82 mi chuan vawiin khan hripui kaihnawih vangin chatuan ram a pan.

Health Minister Dr R Lalthangliana chuan, "Pu T.Pazawna (82), Ramhlun North a chengin COVID19 hri leng kaihhnawih avanga chatuan ram a pan ta hi pawi ka ti takzet a, a chhungte leh amah lainattute thinlung takin ka tawrhpui a. Theihtawp chhuaha enkawltute chungah lawmthu ka sawi bawk e” tiin a sawi niin sawrkar thuchhuah chusan a tarlang.


Heti hian Mizoram chhungah hri vei hmuhchhuah tawh zawng zawng hi mi 4392 niin, dam tawh vawin khan 1 chhuak lehin mi 4367 an ni a, enkawl lai mi 15 an awm mek a, nunna chan zat hi mi 10 an tling tawh  a ni.


Hri vei hmuhchhuah tawh zingah hian Mipa 3214 awmin, Hmeichhia 1178 an ni.
Tun dinhmunah Aizawl-ah hri vei tam berin 10 an awm mek a, Lunglei-ah 2, Lawngtlai-ah 3  an awm bawk a ni.

Siaha, Champhai, Kolasib, Serchhip, Mamit, Saitual, Hnahthial leh Khawzawl district chu hri vei awm lohna district an ni rih.

Post a Comment

0 Comments