Zoomers Choice 2018 Zualtei Varte

ZOOM Kolasib-in Chapchar Kut 2018-a Zoomers Choice 2018 atana an thlan, nula hmeltha leh fel Zualtei Varte hi lo belchiang ve rawh.


Zualtei Varte tia hriatlar Miss Chapchar Kut Kolasib/ Zoomers choice 2018  Lallawmzuali Varte  hi Lalvensanga Varte leh Lalthianghlimi te fanu panga zinga naupang ber niin, August 31, 2000 khan a lo piang a.  College veng, Kolasib-ah chengin an khawsa a, Presbyterian Kohhran-ah an lawi bawk.



Zirna lamah chuan, Hindi BA a zawh hnu-in tunah hian B.Sc Fishsery, Agartala, Tripura-ah a zir mek a ni.


ZAWHNA:
# harsatna i hmachhawn dan: Harsatna ka tawh chang chuan ka theihtawp in ka tawngtai a, Pathian hnenah ka innghat tawp thin


 i nun ṭhiante pawimawhna:
- Ka thiante hi ka lungngaih leh ka hlim chang a ka kianga awm reng thin an ni a. Ka tan an hlu in an pawimawh em em a ni


I duhzawng leh ngainat zawngte:
Rawng - Red
Chawhmeh  - alu (ni deuh tawp😂)
Incheina - Mawi leh zahawm thei ang ber in
Rimawi – pop, classic 
Mizo Ziaktu zingah - Mafaa Hauhnar
Hla- Eldorado 
Hla phuahtu - Biakdika (Bda)
Teacher - ka pa
Leader -  Donald Trump 
Model - Gigi Hadid 


Mize ngainat zawng:
- Mahni in ngaitlawm thiam . Mi rinawm tak leh mi diktak hi ka ngaina

Mize ngainat loh zawng:
- mi chapo leh rinawmna nei lo , nun lem tak hi ka mi ngaihnat loh zawng tak a ni

Hobby- Lehkha chhiar 

Relationship status - single 

Kawppui atan duhzawng - Min duat thiam a, min zah thiam em em tu, kawng engkim a min ngai pawimawhtu tur. 


Kolasib Zoomers' Choice i nih kum?
- 2018

Zoomers' choice in i nuna nghawng a neih?
- Zoomer's choice ka nihna khan ka nun ah hmasawnna tam tak min thlen a, Zoomer's ten min support tha in min backup tha thei em em a an chungah pawh ka lawm hle a ni.

(Kolasib district thlalak lama tuimite inzawmkhawmna pawl hi ZOOM Kolasib tih a ni. - Editor)

Modelling lamah i tui em?
- Modeling lam hi chu ka tui em em hran lo a, amaherawhchu model ho hi ka ngaisang a ni.



Zawhna dang:::
1. A tel lova i awm theih loh: Ka kiang a awm a min support reng thin tu ka chhungte

2. I nun kaihruaitu: Nitin a ka chhiar thin, lehkhabu tha ber Bible hi ka nun kaihruaitu  tan ka hmang a ni.

3. Hringnuna i hlauh ber: Ka hmangaih tak te chan hi hringnun ah ka hlau ber a ni

4. I tih ngai miah loh tur: Mi hmusit tak leh diriam taka tih.


5. Mizo Tualzal nuna ṭha i tih: Tlawmngaihna leh aia upa zahna te, lusun kan in hnem dan te hi Mizo tualzawl nuna tha ka tih langsar  te chu a ni.

6.  Quote i duh ber: Tum chuan kawng a awm (If there is a will there is a way)

7. Mizoram leh Mizo tualzal nuna Mizo hmeichhiate dinhmun: Hmanlai hmeichhia te dinhmun ngaihtuah in tunlai ah chuan hmeichhia te kan dinhmun a tha in, zah kan kai tawh em em a, hei hian kawng tam tak ah hmasawnna min thlen niin ka hria.

8. Hnam hmingṭhat leh hmingchhiat kawngah Hmeichhiate'n mawhphurhna: Hmeichhia te hian hnam hmingthat leh hmingchhiat kawng ah mawhphurhna nasa tak kan nei a,a pawimawh ber a ka ngaih chu khawi hmun ah pawh awm ila kan hnam zia leh kalphung te hi dah sangin ngaisang tlat ila, chung chuan kan hnam a ti hlu in a ti hmingtha thei a ni.


9. Hnam ziarang chawinun kawnga Hmeichhiate mawhphurna: Hmeichhia te hi tuarchhel tak tura siam kan ni a, thil hrang hrangah mipa tluk zet in thiamna leh theihna kan nei a. Chuvangin kan mawhphurhna hria in kan hnam nun ze mawi tak leh kalphung te hi theihtawp chhuah in chim ral a a awm loh nan kan chawi nung tlat tur a ni.

10. Mizote tan 'Fa neih tlem' inzirtir hi a ṭulin i hria em? - Mizo hnahthlak te hi kan la tlem em avang hian inthlah pun zel chu kan mamawh em em a. Amaherawhchu kan hnathawh mil tawka fa neih hi a hlu bawk a ni.


11. Mizo hnam ṭhanmawh bawk nia i hriat? Taimakna leh thawhrimna te, hnam intodelh kan ni thei lo te hi kan hnam than mawh bawk niin ka hria.

12. Mizo hnam damna atana  kawng awm nia i hriatte?
- Min siamtu Pathian hre reng ila, tih tak zetin Pathian hnaih bawk ila kan hnam damna atana kawng tha ber niin ka hria.


13. Hnam chhan nana Hmeichhiate ṭangkaina leh mawhphurna? Kan hnam chim ral a awm mai loh nan hmeichhia te hian hnam dang ni lo kan hnam mi ngei ngaisang in , pasal tan pawh kan hnam pui ngei neih hi kan mawhphurhna leh kan tangkai theihna a ni.

14. Zirna, Khawtlang leh Kohhran hi? Khawtlang leh Kohhran a in hman hi pawimawh in kan nun kaihruaitu atan pawh a tangkai em em a. Chutihrualin zirlai kan nih chhung chuan kan zirlai hi a pawimawh ber a, kan zirna tibuai thei tur erawh chuan in hman lutuk loh a tha zawk niin ka hria.

15. Khawtlang, Kohhran leh nangmah: Duh ang in khawtlang leh Kohhran ah in hmang hman lovin ka zirlai ah ka in sawrbing thin a, zirna hi ka dah pawimawh em em a rilru chak lo mi ka nih vangin midang aiin ka beih nasat a ngai thin a,mahse ka phak ang tawk chuan Kohhran leh khawtlang ah ka in hmang ve thin a ni.

16. Social Media leh Nangmah: Social media hian min tibuai lova, ka hmang tangkai em em zawk a ni.


17. Mizoram ṭhalai tam tak tlakchham:
- Mizo thalai tam tak te tlakchham ni a ka hriat chu Taimakna hi a ni.

18. Mizo ṭhalaite hian ngaihsan tur dik an ngaisangin i hria em?
- Mizo thalaite hian K-pop hi an ngaisang mah mahin ka hria a, ngaihsan tur dik tak kan Mizo thalaite an thiamna leh an theihna te ngaih hlut puiin ngaihsan  pui ila hei hian hnam hmasawnna thleng in a thlen thei a ni.

19. Ngaihsan tur dik nia i hriat: Mi rinawm, dikna ngaisang mi, thawh hreh neilo leh mi taima, Pathian tih tlat mi te hi ngaihsan tur dik niin ka hria.


20. Hlawhtlinna tura pawimawh: Hlawhtling tur chuan taimakna leh tumruhna hi a pawimawh ber a ni.

21. hloh i hlauh ber: ka mi hmangaih tak ka chhungte leh ka thiante hi hloh ka hlau ber a ni

22. Hnam dang nupui pasal neih hi:
- Hnam dang nupui/pasal neih hi hnam chimraltu pawi ber a ni a. Chuvangin, kan hnam kan chawi nun zel theih nan kan hnampui ngei nupui/pasal atan neih i tum tlat ang u.


EXPLOREMIZORAM.COM i hmuh dan:
- Explore Mizoram  hi a tha ka ti hle a, a bengvar thlakin chhiar a manhla em em bawk. News hriat nan pawh kan hmang tangkai hle a ni
Explore Mizoram te vul zel ula, in kal zel na tur ah duhsakna sang ber ka hlan a che u💟


Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments