TAWNMANG LUNGLEN

Tawnmang Lunglen.
A hla thupui(title) hrim hrim hian thinhnun hi a fan nghal ngawih mai a ni.Tawnmang lunglen tih hla zet hi chu.
he hla, "Tawnmang lunglen" phuahtu chu Lalhmachhuana(Fam) Aizawl Chaltlang veng a cheng niin, A salartu chu Aizawl Chaltlang Lal, Chawngthu Lal, Thangphunga tupa- C Lalrinmawia a ni.
C Lalrinmwia hian All india Radio, Aizawl station a he hla a thun(record) hnu hian a commercial album pahnihna "Dichawmbawihpuii" tihah khan a telh ve a.kha audio album/Cassatte kha kum 1985 a tlangzarh niin, kha album a hla zawng zawng deuh thaw kha mizo lengzem hla lar chuai theilo kan tih huangah hian an tel vek deuh thaw a ni.a ropui ngawt mai.


All India Radio Aizawl, Tuikhuaahtlang, Radio ho office, hmun nuam leh thengthaw nuam, Office fai lawmman vawi duailo lo la tawh, Uluk tak a leirawnchan pal nen a hung, a hung chhung a awmze nei tak a eucalyptus thingkung mawi tak, tlar mawi taka office panna kawng sira phun tlar chhoh thluai te chuan chu hmun chu music mawi tak tak, zofate tana rawn tihchhuahna a ni tih a entir riau ni te pawh hian a zuk zeldin theih a ni.
C Lalrinmawia'n "Tawnmang lunglen" tih hla Radio a a han thun ṭum hian he hla phuahtu Lalhmachhuana hi ṭingṭang han perhpuitu, han puibawmtuah a ṭang ve nghe nghe a ni.
"Di Chambawihpuii" tih album hi mizo albumah chuan a lar rei ber hial ta ve ang.chumi awm zia chu khang hunlaia mizo audio album chhuak ve sap sap te nen a khai khin a ralah phei chuan ṭhang leh thar zel ten a sapṭawng taka an rawn cover leh zel, an rawn sak thar ve leh zel hla lar rei, hla lar chuai thei lo nei tam album hi a awm mang lo. A awm chhun te pawn hla pahnih khat bak an nei lem lo.
Chutiang zawnga han suangtuah a han zir chian hian Di chambawihpuii album/Cassatte hi a chungnung larh a, tun thlengin kha album a hla te kha an lar ta hlawm reng a nih hi tun thlengin.
He hla phuahtu Lalhmachhuana hi an veng Chaltlang venga a ṭhiante chuan "Lalhmaa"tiin an ko ber a ni.
Lalhmaa hian a hun laia mizo hmeichhe zaithiam lar ber pawl, Radio artist lar, Commercial album lamah pawh a hunlaia hlawhtling ṭhin tak Lalneihthangi hla lar ber "Kar a hla ka ngai em che" tih hla te kha a phuah a ni bawk   ni.
he hla thluk kalphung hrim hrim hi a tleirawl ṭawng hmang han hawh lawk i la, a "Changkang " riau mai a, a chang(verse) leh a thunawn(Chorus)han invawrh chhoh dan te hi sak a nuamin mihring rilru a cho phur em em a, a lunglenthlak bawk si, a hlathu(lyrics) a mawiin a ṭha bawk si.he hla hi chu kawng hrang hrangin a fuh ve tawk a ni.




Tawnmang Lunglen.
Salar hmasaber tu - C Lalrinmawia(Fam)
Phuahtu- Lalhmachhuana(Fa)

Zantiang ka tawnmangah,
Ka lo tawng che a sin.
Mual tin a leng dunin,
Ṭhen zai reng kan rel lo.
Duhthu ai ang sam a,
Run hmun len rel lai chuan.
Bawhar zaitin thiama'n,
Tawnmang sei a lo ti.
Sakhmel ainawn par iang,
Ka tan vul ve la aw.
Hlim ten leng dun i la,
Hmangaihna par vul lai.
Han thliak la ka tan hian,
Ka lawm a kim ngei ang.
Nunhlui dawn kir changin,
Suihlung zawng a leng ṭhin.
Lenrual zaleng zingah,
A ṭhen an kiu vawng vawng.
Kei zawng ka ngai bang lo,
Ka Tawnmang liam ta kha.
Kohkir theih chang hian,
An mawi tawh si lo.
kumpui sul lo veiin,
Partin vul an chuai ṭhin.
Chutin lei hringnun pawh,
Uaiin an chul dawn si.
Ka tawnmang mawl te kha,
Hunin a liam pui ta.
Duhaisam te pawh hian,
Chin lem a nei dawn lo.


- C Lalṭhazuala.

Post a Comment

0 Comments