Pang Zirlai Pawl-in CADC CEM hnenah CADC huamchhunga Zofate chenna khuate harsatna thlen

Aizawl | January 28, 2021: Pang Zirlai Pawl (PZP) hruaitute chuan thawhlehni khan Chakma Autonomous District Council (CADC) chief executive member (CEM) Rasik Mohan Chakma chu Chakma House, Aizawl-ah kawmin CADC huamchhunga Zofate; a bikin Pangfate harsatna leh Pangfate chenna khuate harsatna tawh leh heng khuate-a zirna in dinhmun chhe tak te an thlen.




He hun hi Herbert Ramengmawia,General President in CADC a, Pangfate awmna Damdep II leh Charluitlang khua te an dinhmun leh Zirna Sikul In building chhe tawh lutuk te Sawrkar hna in duhsak bik awmlo a, rualkhai taka lo la thin turin CADC CEM Pu.Rasik-hnenah a thlen a. PZP chuan kumin Sikul ṭan hma nge a, Damdep II Sikul In sak ṭhat vat turin a ngen  CEM chuan aranglama hmalak atum thu leh Pawisa (sanction) awm hmasa berah tih atum thu PZP hruaitute a hrilh.


Heti rual hian Zirtirtu hna a remchan veleh lak an tum thu CEM hian a sawi a. PZP chuan Pangfa ani emaw an thiamna in atlin a, (Interview) a tling ngei an nih chuan lak mai tur tiin PZP duh dan a hrilh bawk.

CEM chuan Zirtirtu mahni thawhnaah awm ṭha duh lo an tam thu a sawi a, Hetiang ho avang hian mahni khua Zirtirtu hna ruak a awm a, Mahni khua mi nge tling an awm chuan in duhsak mai a ṭhat thu PZP chuan CEM an hrilh bawk.. Zirtirtute an thawhna awm ṭha lo, an awm ṭhat theih nan hma laksak turin PZP hruaitute chuan CEM chu an ngen nghal bawk.

CADC CEM chuan Zirtirtute an thawhnaa an awm ṭha lo  chu a ngaih pawimawh thu leh a ṭul ang a hma lakpui a inhuam thu PZP hruaitute a hrilh nghal bawk a ni.

Post a Comment

He post chungchanga i ngaihdan lo sawi ve rawh:

Previous Post Next Post