Aizawl | January 26, 2021: Kumin Republic Day-ah civil mite hnena chawimawina Padma Award dawng turin India sorkar chuan mi 119 a thlang chhuak a. Heng zingah hian Mizo nu Sangkhumi Bualchhuak chu vantlang tana thawh that vangin a tel.
Padma award dawng tur mi pasarih hnenah civil mite chawimawina sang ber dawttu Padma Vibhushan hlan a ni a. Japan PM hlui Shinzo Abe, lungchher thiam Sudarshan Sahoo leh Islam mithiam Maulana Qahiduddin Khan-te pawh Padma Vibushan dawng tur zingah hian an tel a.
A hnuai chiah Padma Bhushan dawng turin mi 10 thlanchhuah an ni bawk a. Lok Sabha Speaker hlui Sumitra Mahajan,Gujarat CM hlui Keshubhai Patel te bakah an thih hnua pek Assam CM hlui Tarun Gogoi leh Union Minister hlui Ram Vilas Paswan-te pawh an tel a ni.
A hnuhnung ber Padma Shri dawng tur hian mi 102 thlan chhuah an ni bawk a. An zingah hian mizonu Pi Sangkhumi Bualchhuak chu vantlang tana a hnathawh that avangin Padma Shri dawng tur hian thlan a ni.
Kumin Republic Day-ah vek hian President Ram Nath Kovind-a chuan sipai huaisen leh hna thawk tha chawimawina Gallantry award dawng turin mi 455 hming a pawm a. Heng zingah hian sipai chawimawina sang ber dawttu Maha Vir Chakra dawng turin 16 Bihar Regiment Commanding Officer, nikuma Galwan Valley inkahnaa thi Colonel B Santosh Babu chu thlan a ni.
Post a Comment
He post chungchanga i ngaihdan lo sawi ve rawh: