National Youth Parliament-a Mizoram aiawh turin Lunglei nula C Vanlalruati

Aizawl | Januatry 7, 2020: India thalaite tana buatsaih thin National Youth Parliament-ah Mizoram aiawh turin Lunglei nula Vanlalruati thlan a ni.



National Youth Parliament-a Mizoram aiawha tel tur thlanna State Level National Youth Parliament chu online-in January ni 5 khan neih fel a ni ta a, C. Vanlalruati, Venghlun, Lunglei chu pakhatna niin, Vanlallawmkimi, Middle Kanan, Aizawl chu pahnihna niin, Lalthlengliani, Lawngtlai III, Lawngtlai chu pathumna a ni a, state level winner hian Central Parliament Hall, New Delhi-a Januarty ni 11-12 a neih tur National Youth Parliament-ah Mizoram ai a awh dawn a ni.




State Level National Youth Parliament hi Nehru Yuva Kendra (NYK) leh National Service Scheme (NSS) tangkawpin an buatsaih a ni.

Kumin State Level National Youth Parliament-ah hian district hrang hrang winner pahnih theuh an tel a, topic hrang hrang panga- Climate Change is a bigger threat than Covid-19; Greening the Indian Economy; Harnessing the power of women; Supercharging Youth for a New India tih leh Building a Start Up Innovation Ecosystem in India tih thupui zinga an duh ber pakhat hmangin, minute li chhung thusawina hun an nei a ni.

Participant ten an thupui thlan an sawi lai video clip atanga panel of judge pangain point an pek dan atangin winner hi thlan chhuah a ni ta a ni.
State winner hi National Youth Parliamment-a Mizoram aiawh tur niin, pahnihna leh pathumna te pawhin National Youth Parliament hi a hmunah an chhim thei dawn a ni.





January 11-12 a neih tur National Youth Parliament-ah hian pakhatnain lawmman Rs 2,00,000 a dawng ang a, pahnihna leh pathumna ten Rs 1,50,000 leh Rs 1,00,000 ve ve an dawng bawk ang.

National Youth Parliament Scheme hi Ministry of Parliamentary Affairs hnuai-ah awm a ni. NYP chungchang hi https://nyps.mpa.gov.in/ ah en theihin a awm.

Mizoram University (MZU) a M.Sc (Geography) zirlai, C Vanlalruati, C Ruati tia koh ṭhin hi Malsawma leh PC Lalthangliani te fanu niin, August 13,  1999 khan a lo piang a. Lunglei venghlun cheng leh khawsa an ni.



C Ruati chuan NYP chungchang sawiin, "Thalaiten veizawng kan auchhuahpui theihna platform a niin ka hria, khawtlang leh ram tana hmansawnna pawimawh tak pakhat a ni." a ti a. "A bik takin North East lam mi tan phei chuan India ram pum huapa kan au chhuah ve theihna chance tha tak a ni." tiin EXPLOREMIZORAM.COM a hrilh.




Post a Comment

He post chungchanga i ngaihdan lo sawi ve rawh:

Previous Post Next Post