MZU hnuai-a UG exam tan; first semester zirlai sang sarih chuang awm

Aizawl | January 13, 2021: Mizoram University (MZU) hnuaia Under Graduate course hrang hrangte [BA/B.Sc./B.Com/ B.Sc(Home Science)]  exam chu vawiin chawhma khan tan a ni.


Exam hi Online hmanga exam tan a ni a, Mizoram University hnuaia College 30 in he exam hi an hmachhawn.

College pahnih atangin Internet that loh avangin an exam tluang thei lo tih thu dawn a ni a, a bak chuan tha takin exam an hmachhawn thei a ni.

Tun tum exam hmachhawn-ah hian First Semester bikah zirlai 7519 an awm niin EXPLORE MIZORAM chuan thu a dawng.

Undergraduate exam hian February ni 8 thleng a awh dawn a, hemi chhunga zirlai harsatna neite chuan anmahni College helpline theuh ah in hriattir thin nise an duh thu Mizoram University thuneitute chuan an tarlang. 

Tluang taka Exam an tan thei chu MZU Controller of Examinations, Prof Lalnuntluanga chuan lawmawm a tih thu leh Exam tluang taka neih chhunzawm zel a nih theih nana zirlai leh zirtirtute tawiawm zel turin an ngen a ni.



Post a Comment

0 Comments