Aizawl | January 20, 2021: Mizo Zirlai Pawl (MZP) General Headquarters, Aizawl chuan MZP Pisa Pui kum 2021 atan vawiin khan an hawng a, hawnna inkhawma thusawitu MZP president B Vanlaltana chuan,"He ram lo hi ram dang kan nei lo a. He ram tana fahrin man hla ni turin kan inbuatsaih a ngai," a ti.
MZP Pisa Pui hawnna inkhawm hi MZP vice president Pu Peter Chhangte a, MZP president leh MZP president hlui Lalmuanpuia Punte te'n thu an sawi.
He huna thusawitu MZP President Pu B. Vanlaltana chuan,"MZP hian kum 1935 a din a nih atangin zirna lam hawi leh hnam inpumkhatna hi a ngai pawimawh em em a. Hnam inpumkhatna a ni emaw zirna kawngah a ni emaw Pathian duhdana kal hi kan tih tur a ni a. Kan hmabak, kan hmachhawp te a hlawhtlin theih nan tawngtai leh dil chungin hma lam kan pan a ṭul a ni." a ti a.
MZP President chuan,"He ram lo hi ram dang kan nei lo a. He ram tana fahrin man hla ni turin kan inbuatsaih angai a, kan awmdan leh kan chetdan zawng zawngah midang tana harsatna thlentu ni lo a midang tan malsawmna ni thei turin kum 2021 bul kan ṭan a pawimawh em em a ni." a ti bawk.
Pu Lalmuanpuia Punte Ex-President MZP chuan fuihna thu sawiin, "MZP te hian Pathian hruaina kan dawng ṭhin a. Hnam thilah MZP hi Zofate tana hmala ṭhin a ni a. Kan thil tih ah kan chiang tur a ni a. Kan hmalakna reng rengah a tawp kan thleng ngam tur a ni. a ti a. Zofate hi keimahni ke a ding thei kan nih zia ti lang turin huaisen tak leh dik takin hma kan la ngam tur a ni." a ti bawk.
Post a Comment
He post chungchanga i ngaihdan lo sawi ve rawh: