Aizawl | January 20, 2021: Mizo Students' Union, General Headquarters, Aizawl Pisa Pui, 'Mizo Zirlaite Rûn' chu kum 2021 atan vawiin khan an hawng a, he huna thusawitu MSU president J Lalmuanzuala chuan, "Zirlaite harsatna engkawngah pawh MSU a tlan chhe lovang" a ti.
Hawnna inkhawm hi MSU vice president RK Hnuna'n a kaihruai a, Salvation Army Temple Corps CO Capt Ngurthangvunga'n hunserh a hmang a. General Secretary Samuel Zoramthanpuia'n inhriattirna leh pawl hmalakna report a pe a, MSU President J Lalmuanzuala leh Sr. Adviser K Bialthianghlima te'n thu an sawi.
MSU president J Lalmuanzuala chuan, "Zirlaite leh Mizo mipui tan MSU pisa hawn ni ah hian Hnamdang thurual puia sumdawng te tan leh Hnamdang thlavang hauh thintute tan MSU office hi hawn a ni ve lo." a ti.
MSU president chuan, MSU in kum li lai kumpuan thupui atana an lo neih tawh "Ram leh Hnam humhalh dan Zirna Uar" ti a Mizo Zirlaite tana rawng an bawlna kawngah chak zawkin hmalak a nih tur thu sawiin, Pu Muana chuan, "MSU hi Pathian rawn chung zelin a kal dawn a, Ram leh Hnam tan a thikthu a chhe hle a ni." a ti bawk.
He hunah hian MSU general headquarters Aizawl hruaitute leh hmun hrang hranga MSU hruaitu Aizawla awm mekte an tel.
Post a Comment
He post chungchanga i ngaihdan lo sawi ve rawh: