Minister pahnih hovin Leilet humhalh chungchang sawiho

Aizawl | January 18, 2021: Vawiin khan Land Revenue & Settlement Department changtu Minister Pu Lalruatkima Pisa-ah amah leh Pu TJ Lalnuntluanga, Environment Forests & Climate Change Department changtu Minister hovin Mizoram chhunga leilet neih theihna hmun (Potential Area) humhalh leh uluk taka enkawl dan tur chungchang ngaihtuahin Agriculture Department leh Land Revenue & Settlement Department an thukhawm.




Sawrkar thuchhuahin a tarlan danin, Meeting ah hian Mizoram chhung hmun hrang hranga Agriculture lama intodelh theihna atan leh leilet kan neih ang ang leh Leilet atana siam theih tur hmunte uluk zawka enkawl dan tur leh hmalak dan tur an rel a, hemi atan hian Department inhnamhnawih tur ten an hmalak dan turte an sawiho bawk a ni.

Meeting-ah hian hmalakna hmasa atan Champhai atanga tan nise an ti a. Champhai Leilet Potentuial area hi demarcate (teh that) that nise, hemi atan hian DC kaihruaina in Task Force din a hmalak ni se tih a ni bawk. Champhai District WRC Area tih fel a nih hnu hian District hrang hrangah pawh hetiang anga hmalakna hi kalpui tum a ni bawk.

He thutkhawmah hian Agriculture leh Land Revenue & Settlement Department hotute an tel a ni.

Post a Comment

He post chungchanga i ngaihdan lo sawi ve rawh:

Previous Post Next Post