Minister Lalruatkima'n Rangvamual Local Council Futsal hawng; ram hmasawnna ruhrel neiturin khawtlang tanrual a pawimawh - I&PR minister

Aizawl | January 19, 2021: Tukin khan Information & Public Relations leh Rural Development Minister ni bawk Pu Lalruatkima'n Rangvamual Local Council Futsal Ground a hawng a, Aizawl West I Bialtu MLA Pu Zothantluanga'n a tawiawm a ni.




Minister Pu Lalruatkima chuan Rangvamual Local Council leh tlawmngai pawl hrang hrangte chungah lawmthu a sawi a. Rangvamual chu Aizawl kawt chhuah veng pawimawh tak, Lengpui Airport leh National Highway kal tura kaltlang ngai a ni, a ti a. Inter-state Truck Terminal awmna veng a nihna angin khual tha-chhia dawngsawnnaah khawtlang pawhin hma a sawn zela a hriat thu a sawi a. Rangvamual chu mi tlemte vangin miten an hmuhdan a dang deuh a ni mai thei a, amaherawhchu veng chhung thalai te leh veng hruaituten infiamna hrang hrangah hmasawn an duhna hi sawrkar chuan a ngai pawimawh a, vawiinah a takin Local Council Futsal Ground hi hawn theihin a lo awm ta a ni, a ti a. BSUP Building rawn bel te pawhin dan leh dun ngai pawimawh a, khawtlang hruaitute-YMA, MHIP, MUP bakah Kohhran thuawih a, neitu thinlung pu zel turin a fuih thar leh a. Futsal chuan khawtlang hriselna leh inlungrualna bakah midang te el phak an nihna hriattir se a duh thu a sawi bawk a. Lehkhazir uar chung zela taksa sawizawi  uar zel turin Rangvamual zirlaite a chah bakah khawvel huap Inelna ah pawh an tel thei a ni tih hria a, infiamna (sports) hi eizawnna tlak a ni tih hre thar leh bawk turin a chah a ni.

Minister chuan ram hmasawnna ruhrel neiturin khawtlang tan rual a pawimawh zia  sawiin, sawrkar chuan Rangvamual a chengten tangkai taka an hman tur Community Multipurpose Hall sak a nih tur thu a sawi bawk a ni.
MLA Pu Zothantluanga pawhin thu sawiin, khawtlang hruaitute an inlungrual chuan khua in a mamawh ro (asset) a siam theih a, khaw ro hnutchhiah a inelna thianghlim neih hi khua/veng hmasawnna rahbi a ni, tiin a sawi.
Rangvamual Local Council Futsal hi SEDP atangin UD&PA kaltlanga Rs 9,80,000/- senga siam a ni a, hnatlang tha 441, hlawhfa tha 381 leh khawtlang hruaitu 60 chuang hnatlanga zawh a ni.
Pu Laldinthara, Local Council Chairman chuan he hun hi a kaihruai a, Upa P.L Chhuanawma, Chairman Presbyterian Church chuan hunserh a hmang a, Pu P.C Laltluangpuia, Local Council Secretary chuan lawmthu sawiin he hun hi a khar a ni.

- DIPR

Post a Comment

0 Comments