Aizawl | January 6, 2021: Aizawl district deputy commissioner leh Aizawl District Task Force on COVID-19 Chairman ni bawk chuan nimin khan thuchhuah siamin, COVID-19 Quarantine Facilitation Centre atan leh transit camp atana hman mek stadium pathum te chu tihtawp lailawk a ni dawn.
 |
| Hawla Indoor Stadium |
Thuchhuahin a tarlan danin, Quarantine Facilitation Centre atan leh transit camp tan hman mek stadium pathum; R Dengthuama Indoor Stadium, Hawla Indoor Stadium leh Rajiv Gandhi Stadium te chu Sports & Youth Services Department ten inspection leh tul pawirnawh dang atan an hman duh avangin January 16 atanga January 31 thleng tih tawp lailawk a ni.
 |
| R Dengthuama Indoor Stadium |
Hemi hun chhung hian Quarantine Centre atan leh transit camp atan hman a nih dawn loh avangin zin veivak, Aizawl lo lut te pawh transit camp a in report tawh lovin, Aizawl DC chuan Quarantine Facilitation Centre pan ding nghal zel tawh turin a hriattir bawk a ni.
 |
| Rajiv Gandhi Stadium |
Post a Comment
He post chungchanga i ngaihdan lo sawi ve rawh: