Dr K Beichhua hovin Siaha District COVID-19 Food Security Consultative Committee(SDCFSCC) thukhawm

Aizawl | January 19, 2021: Siaha District COVID-19 Food Security Consultative Committee(SDCFSCC) chuan Chairman Dr K. Beichhua hovin vawiin khan a vawi thumna DRDA's Panchyat Resources Centre-ah meeting an nei.


Chairman Dr. K. Beichhua chuan COVID-19 hrileng avangin ei leh bara harsatna lo thleng thei laka lo inruahman nana hmanhmawh taka SDCFSC Committee hi nikum April thla lai hawl vela din a ni thu sawiin, a din tuk atangin hna thawk tanin; tihtur pawimawh Agri & Allied Sector, Animal Husbandry, Fish pond etc..te based line survey lak a ni a. Thlai chi leh thiltul dangte dap khawm zawh hnuah; May thla chawhnu atang khan vawiin ni thleng hian thei tawpin SDCFSCC hian hna a la thawk mek zel a ni. Vawiin meeting-ah hian SDCFSCC din tir atanga vawiin ni thlenga kan hmalak tawhna thlir ho leh kan hmachhawp te khun khan taka sawi ho tura thukhawm kan ni , a ti. Vawiin meeting chuan SDC-FSCC Member Secretary ,Pu Bhupesh Chaudhary IAS, in Siaha a chhuahsan tak avanga banna a thehluh chu pawmin, a aiah District bawrhsap Pu Kesavan R,IAS chu a ruat nghal a ni. Tun chinah chuan Member Secretary post hi by name ni tawh lova, by designation a appointment pek tawh tur a rel nghal a ni.
\
SDCFSCC thil tum lian ber chu Covid-19 avanga ei leh bar harsatna lo thleng thei hmachhawn tura kan inpuahchahna hian Siaha district hi thlak danglam se, hmalam hunah pawh ei leh bara district intodelh leh mahni ke a ding thei nih tir tura kawng kawhhmu leh sialsak hi a ni.

Dr.K.Beichhua chuan committee hmalakna hnuaiah loneitute kaltlangin thlai lamah chuan Siaha district a intodelh thei dawn nia a hriat thu sawiin, awm lo atangin bul tan an nih avangin duh ang thala chakin kal thei lo mahse; Food Security Committee hian a phak tawkah hmalam panin a kal bek bek reng a ni, a ti.

SDCFSCC anga hmalakna report a ni a, chhungkaw 293 te Wet-Rice Cultivation (WRC) leilet hectare 144.6 chu JCB 14 hmangin lehsak zawh tawh niin, a vaiin darkar 1999 hrs JCB hian a thawk a ni. Heng bakah hian Siasi leh Chakhei khuaa leiletah tui lakna siamsak tawh a nih thu tarlan a ni bawk.

Vawiin SDCFSCC meeting chuan Ei leh bar lama kan intodelh theih nana mulmal taka hmalak dan tur lo zir chianga plan lo duang turin Technical Team din a rel a. Chairman-ah Project Director,DRDA, leh Member Secretary atan DAO ruat an ni a. Member atan DHO, ATMA,KVK,DAO(MADC), AE,DRDA te ruat phawt an ni a. A tul dan anga la ruat belh leh tur a ni.

SDCFSCC hmalakna Monitoring lam buaipuitu atan Joint VC Chairman leh MTP Headquarters President te chu meeting hmasa in a lo ruat tawh angin, an mawhphurna an la kengkawh chhunzawm zel ang.

Post a Comment

0 Comments