COVID-19: Positive pathum hmuhchhuah belh; enkawl lai mi 47 awm mek

  • Hri vei tamna ber Aizawl district-ah hri vei 40 awm mek!
  • Champhai, Mamit, Saitual, Khawzawl, leh Hnahthial district chu hri vei awm lohna district an ni rih.

Aizawl | January 27, 2021: Nimin khan Mizoram-ah hri vei 3 hmuhchhuah belh niin, Nimin khan dam tawh mi 5 in enkawlna hmun an chhuahsan bawk.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 3, TrueNAT hmangin positive 0 leh  Rapid Antigen test hmangin positive 0 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4359 niin, dam tawh mi 4303 an ni a, enkawl lai mi 47 an awm mek a, nunna chan zat hi mi pakua an ni.

Hri vei hmuhchhuah tawh zingah hian Mipa 3190 awmin, Hmeichhia 1169 an ni.

Tun dinhmunah Aizawl-ah hri vei tam berin 40 an awm mek a, Lunglei-ah 1, Lawngtlai-ah 2 awm lehin,  Siaha- 1, Kolasib 2, Serchhip-1 an awm bawk a ni.
Champhai, Mamit, Saitual, Khawzawl, leh Hnahthial district chu hri vei awm lohna district an ni rih.

🔹️ZMC RT-PCR Positive:
➡️Durtlang : Mipa kum 26 & 40, tunhnaia Mizorama pawn atanga lo lut, Hotel Landmark, Bawngkawna quarantine lai, symptom nei lo ve ve.
➡️BSF : 1 - Mipa kum 44, Zoram Medical College a enkawl lai, symptom nei.

🔹️Sample test zat:
➡️ZMC Lab: Aizawl-255
➡️TrueNAT lab: Siaha-13, Saitual-6, Hnahthial-49
➡️RAgT: Aizawl-125, Siaha-2, Mamit-38, Kolasib-146, Lawngtlai-1, Saitual-39

Post a Comment

He post chungchanga i ngaihdan lo sawi ve rawh:

Previous Post Next Post