COVID-19: Hri vei pathum hmuhchhuah belh; hri vei hmuhchhuah 4219 tling tawh

  • Hri vei tamna ber Aizawl district-ah hri vei 66 awm mek!
  • Siaha, Mamit leh Khawzawl district chu hri vei awm lohna district an ni rih.

Aizawl | January 2, 2021: Nimin khan Mizoram-ah  COVID-19 positive 3 hmuhchhuah belh a ni a,  dam tawh 2 in enkawlna hmun an chhuahsan.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 0, TrueNAT hmangin positive 0 leh  Rapid Antigen test hmangin positive 3 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4219 niin, dam tawh mi 4100 an ni a, enkawl lai mi 111 an awm mek a, nunna chan zat hi mi pariat an ni.
Hri vei hmuhchhuah tawh zingah hian Mipa 3100 awmin, Hmeichhia 1119 an ni.

Tun dinhmunah Aizawl-ah hri vei tam berin 67 an awm mek a, Lunglei-ah 22, Lawngtlai-ah 8 awm lehin,  Serchhip 3,  Champhai -ah 2, Kolasib 5, Hnahthial-3,  Saitual-1 an awm bawk a ni.
Siaha, Mamit, leh Khawzawl district chu hri vei awm lohna district an ni rih.

💠 ZMC-RTPCR leh TrueNAT laboratory an chawl a ni.

💠RAgT Positive:
➡️ Nisapui : Hmeichhia kum 19, Aizawl-a Private Hospital pakhata hmuhchhuah, symptom nei, hri kaina chhui mek.
➡️ Bawngkawn : Mipa kum 68 & hmeichhia kum 39, positive contact nei an ni.l

Sample test dan:
➡️RAgT: Aizawl-30, Kolasib-71

Post a Comment

0 Comments