Bharat Parv 2021 nimin khan tan

Aizawl | January 27, 2021: Bharat Parv 2021 chu nimin atang khan hman tan a ni a. Kuminah hian COVID-19 hrileng avangin internet kaltlanga hman  a ni.

January ni 31 thleng a tlawh duh dan www.bharatparv2021.com-ah a tlawh theih a. He hunah hian ramchhunga hnam nunphung leh ziarang chi hrang hrang pholan a ni a. Kum 2016 atang khan Union Ministry of Tourism chuan Bharat Parv hi a lo buatsaih tawh thin a. Kumdangah chuan Republic Day lawm rualin Red Fort-ah ropui taka hman thin a ni a.  State leh UT atangin khualzinte hipna tur thil chi hrang hrang phochhuah thin a ni.

Mizoram bik enna: https://www.bharatparv2021.com/apps/vf/tourism/v1/exhibitor-details/31/4

Kumin Bharat Parv hi Lok Sabha Speaker Om Birla chuan nimin khan a hawng a. He hunah hian Union  Culture and Tourism Minister Prahlad Singh Patel pawh tel a. Thusawiin Pu Birla chuan Bharat Parv chuan ramchhunga hnam hrang hrangte zia danglam tak a tarlang a ti a. He hun buatsaih hian ramchhung state 28 leh UT 8 te nunphung, hnamzia, ei leh in, incheina leh tihdan phungte phochhuahna hun tha a siamsak a ni a ti bawk.

- AIR Aizawl