Assam rifles DIG leh BJP Mizoram Mahila president inkawm

Aizawl | January 15, 2021: BJP Mizoram Pradesh Mahila Wing President Lalremsangi Fanai leh Assam Rifle DIG Brigadier Digvijay Singh chu nimin khan Assam Rifles DIG chamber-ah an inkawm.

BJP Mizoram Mahila President Nl.Lalremsangi Fanai leh Assam Rifle DIG Brigadier Digvijay Singh a pisa ah inbia in Border Trade kal hmang a Mizoram sumdawngte rahbehna leh an dinhmun ti chhe zawng a chet lakna awm lo turin a sawipui
Lalremsangi Fanai chuan,  Mizoram hi Singapore te, Dubai te anga sumdawnna centre pawimawh (Geographical hot spot) ni thei a ni a. International trade route ni thei look east policy pawhin a focus a ni,  a ti a. 
Ram thenawmte nena border trade chung changa dan hmanlai duanfel awm lo hi State Sorkar fel lohna a ni. Chutihlaia a duh duh leh a hman hmanin dan lek kawh tum hi khawvel sumdawnna tehfung pawimawh Ease Of Doing Business kal hmang a ni lo, kan Mizoram sorkar hi good governance Sorkar a nih loh zia lantir tu a ni, tiin Lalremsangi Fani hian Brigadier Digvijay Singh, DIG, Assam Rifle hnenah a sawi a. 


Hemi chungchangah hian Sorkarin revenue neia Mipui in hlawkna rualkhai a neihna turin Central a Commerce Ministry, Home Ministry ah a tul angin thlen ang,  a ti bawk. 
Brigadier Digvijay Singh a pawhin Mizoram a awm thar chauh a nih thu leh Mizoram Mipui tana thawhho leh in fin chhuah tawn a inhuam thu a sawi a ni. 
Assam Rifle leh BJP Mahila Wing te hmeichhiate chawikanna kawng hrang hrangah thawhho dan an sawi nghal bawk.
Lalremsangi Fanai hian International Smart Border management chung chang a Delhi a presentation a lo neih tawhna a tanga Sorkar laipui hma thlir sawipuiin border trade hi mimal tlemte hlawkpui zawng a kalpui emaw corruption hawi zawng a kalpui tur a ni lo tih a sawipui nghal.

Post a Comment

0 Comments