Aizawl | December 22, 2020: Mizo zaithiam lar, Mizo idol star Zualbawihi chuan hun rei tak atanga a lo buaipui tawh Filipino hla hmangin Music Video hmuhnawm tak a sual chhuak ta.
Zualbawihi hian a âw mawi danglam tak avangin hnam dang hla sa tura ngenna a dawng nasa thin hle a, heng ngenna avang hian Sap hla a cover țhin mai bakah Lâi hla hmangin hlawhtling takin Music Video Album hial alo buatsaih tawh bawk a ni.
Tuna Filipino hla mawi tak pawh hi Mizo zaithiam dang ten an sak ngai lem loh niin a vawikhatna atan Music video an siam leh a ni a, a mawiin a nalh dangdai hle bawk a ni.
He Filipino hla a cover hi IKAW tih a ni a, a awmzia chu NANGMAH (YOU) tihna a ni. He hla music track leh recording hi RKA 3 brother's recording studio a tih niin video hi Thatea Videography siam a ni thung. He hla mawi tak hi Zualbawihi hian a youtube channel a upload theih turin a peihfel tawh thu EXPLOREMIZORAM.COM a hrilh.
A hla hi a nalhin ngaihthlak a nuam hle a, a teaser pawh hi a channel ah a tichhuak tawh nghe nghe a, a music video pangngai hi nakzan hian Zualbawihi Youtube channel; Zualbawihi Official -ah dah chhuah an tum niin EXPLOREMIZORAM.COM a hrilh.
Zualbawihi hian Phillipines mipuite atangin filipino hla sa tura ngenna a dawng nasa em em a, tihhlawhtlin tumin theihtawpin a bei a, tunah an peihfel thei ta hi amah pawh a lawm hle a, hla dang ngênna la awm te pawh hi la tih hlawhtlin sak ngei a tum thu EXPLOREMIZORAM.COM a hrilh bawk.
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: