nungchate chunga hleilenna thleng leh thin hi a zahthlakin a pawi takzet - Conservation Mizoram

Aizawl | December 1, 2020: Conservation Mizoram chuan thuchhuah siamin, "Nungchate leh an chenna chereu nasat avanga harsatna hrang hrang a thlen mek lai leh khawvel huap pawha nungchate leh an chenna hmun humhalh tura nasa taka beihpui thlak mek a nih laia kan ram nungchate chunga hleilenna thleng leh thin hi a zahthlakin a pawi takzet a ni," an ti.

Conservation Mizoram chuan, "Phaizau huamchhung luidunga bomb/gelatine hmanga sangha man an awm thu leh chumi zinga ram roreltu hming lang tel hi Conservation Mizoram chuan pawi kan ti takzet a, hetiang thil hi thleng nawn tawh lo se kan duh takzet a ni." an ti bawk.

 

An thuchhuah chuan, "He thu kal zela Ngawi dawh chungchang lo lang leh zel te kha a vanduaithlak kan ti takzet a, dan bawhchhetu ten dan hmanga an phu tawk hremna an hmuh ngei kan phut tlat a ni." tiin an ngaihdan an tarlang.

Conservation Mizoram chuan, Nungchate chunga hleilenna leh dan bawhchhiatna thleng reng reng hi thuneitu ten enzuia, dan bawhchhetute chungah dan anga rorelna fel leh dik tak an hlenchhuah ngei zel an phutin an beisei tlat a. Tin, dan bawhchhetute chunga dan lekkawh a nih theihna dal zawnga hma la lo hram turin mi tinte an ngen nghal bawk.

Kan damkhawchhuahna atana pawimawh nungchate leh an chenna hmun humhalh tura theihtawp chhuah mektute an chhuan thu tarlangin, heng mite hi tha thlah lova humhalh hna thawk zel turin Zoram mipuite an sawm bawk a ni.