NATIONAL HEALTH MISSION 2019-2020 KAYAKALP AWARD CEREMONY.

Aizawl | December 5, 2020: National Health Mission Kayakalp (Hospital fai leh tha inelna) Award ceremony  chu Nilaini chawhnu khan  Taxation Department Auditorium,MINECO-ah  neih a ni.

He Kayakalp Award hi Mizoram chhung a District tin a Hospital leh Community Health Center leh Primary Health Centre tin hnen atang a tehna lak niin Kayakalp Award (Hospital fai leh tha inelna) Pakhatna (1st Prize) chu Lawngtlai District Hospital in lain pawisa fai Rs 600000/- an dawng tel bawk, Pahnihna (2nd Prize) hi Champhai District Hospital in lain pawisafai Rs 500000/- an dawng tel bawk a, Pathumna (3rd Prize) hi Serchhip District Hospital in lain 400000/- an dawng bawk.

Coommunity Health Centre fai leh ti tha lawmman Pakhatna (1st Prize) chu Sakawrdai CHC in lain pawisafai Rs 500000/- an  dawng tel a, Pahnihna (2 Prize) hi Kawrthah CHC ten lain pawisafai Rs 300000/- an dawng bawk, Pathumna (3 Prize) chu Biate CHC in lain pawisafai Rs 200000/- an dawng bawk.

Primary Health Center fai leh ti tha lawmman dawngtu Pakhatna (1 Prize) chu Darlawn PHC ten lain pawisafai Rs 200000/- an dawng bawk, Pahnihna (2 Prize) chu Thingsulthliah PHC in lain pawisafai Rs 94000/- an dawng bawk, Pathumna chu Suangpuilawn PHC in lain pawisafai Rs 81100/- an dawng bawk. tin hemi bakah hian Commendation Award leh Special Award Mizoram chhung ah leh District chhung a ti tha te hnenah sem a ni bawk.

Kayakalp Award semnah ah hian Dr. R Lalthangliana, Hon'ble Minister , Health & Family Welfare chu Chief Guest niin Dr ZR Thiamsanga, Hon'ble Vice Chairman, Health & Family Welfare Board leh Pu H.Lalengmawia IAS, Health Secretary te chu Guests of Honour niin Award hun hi hman a ni. Chairman Dr Eric Zomawia, Mission Director,NHM hnen atang a thusawi te ngaihthlak niin kan Health Minister Dr Lalthangliana hnuai ah chaktaka a nawrkalna zarah NHM chu an kal zel thu sawi in, Kayakhalp Award avang a tan la a thawktu zawng zawng te hnenah lawmthu sawi in, he lawmman semna hun an hmangtheih hi Mizoram kan vanneih thu a sawi tel bawk. Dr. R Lalchhuanawma SNO Kayakalp hnen atangin Kayakalp Award (Hospital fai leh tha inelna) dawng tu ten External leh Pure Assessment paltlang a Kayakalp Award (Hospital fai leh tha inelna) an dawn theih dan te a sawi bawk.

Chief Guest Dr Lalthangliana'n Kayakalp lawmman dawngtu te chungah lawmthu sawiin tan la chhun zawm zel tur in duhsakna a hlan a. Kum lo kal zeltur ah pawh District Hrisel ber Award dawng thei tur in District Hospital tin leh Health care staff/Health workers zawng zawng te fuih na thu a sawi bawk.

Dr ZR Thiamsanga, Hon'ble Vice Chairman, Health & Family Welfare Board pawhin thuchahtawi sawiin Kayakalp Award (Hospital fai leh tha inelna) dawngtu te thawhrimna chu a chhuan thu sawiin kumin a dawng lo te pawn dawn nge tum tur a tan la tur in a chah bawk.

Post a Comment

0 Comments