MSU in hruaitu thar hlanna leh Pisa kharna hun hmang

Aizawl | December 18, 2020: Mizo Students' Union (MSU) general headquarters chuan vawiin khan hruaitu thar hlanna leh pisa kharna hun Synod Conference Centre, Sikulpuikawn-ah an hmang.




MSU president thar J Lalmuanzuala chuan, MSU chu Pathian rawn chungin ram leh hnam tana zirna uar kum kalpui an tum thu a sawi a, tlang hrang hranga MSU hruaitute chu ram leh hnam leh zirlaite tana theihtawp chhuaha thawk sauh sauh turin a sawm bawk a ni.




MSU hian December 10 khan hruaitu thar thlangin nimin khan hruaitu hlui leh tharte'n mawhphurhna an inhlan a, vawiin khan hruaitu thar hi hlan an ni.

MSU pisa hi January 20, 2021 khian hawn leh tum a ni.

MSU general headquarters 2020 - 2022 hruaitute chu President - Pu J. Lalmuanzuala, Vice Prisident - Pu RK Hnuna, General secretary - Pu Samuel Zoramthanpuia, AGS - Pu Laldinsanga, Treasurer - Pu Lalramhluna Fanai leh Finanace Secretary - Pu zodinsanga te an ni.


He hun hi MSU vice president RK Hnuna'n kaihruaiin, ACCJSU president Lalruatpuia'n hunserh hmangin, MSU general secretary Samuel Zoramthanpuia'n report pein, Upa C Ngurthantluanga'n hruaitu tharte hlanna hun a hmang a ni.

He hunah hian MSU president kal chhuak Vanlalliana Khiangte chuan MSU website thar, msughq.com a tlangzarh a ni.

Post a Comment

0 Comments