COVID-19: UK atanga Mizoram rawn pan mek awm?; Rampawn atanga rawn lutte inhriattir turin ngen

Aizawl | December 28, 2020:  UK leh Europe ram thenkhata Covid19 hrik thar hmuh a nih hnuah mi sang thum chuang rawn lut tawhin, Ram pawn (foreign) atanga lo lut tur te chu Lengpui airport-ah uluk taka enfiah an nih thu Dr Pachuau Lalmalsawma chuan a sawi.

COVID-19 State nodal officer Dr Pachuau Lalmalsawma chuan hripui chak zawk leng mek vangin mipuite hnenah ngenna siamin, ram pawn atanga rawn luttte inhriattir turin a ngen. Dr Pachuau chuan,  "Tunlaia Covid-19 natna hrik thar, UK leh Europe ram thenkhat a leng mek  laka  Mizoram kan  himna turin, India ram pawn (Foreign) atanga Mizorama lo haw tur emaw, lo zin tur, kan chhungte emaw thiante emaw nei chuan a rang thei ang ber in  Helpline number 102 (Toll Free) / 0389-2323336/ 03892322336/ 0389-2318336 ah inhriattir turin a ngen e." a ti.

COVID-19 State nodal officer Dr. Pachuau Lalmalsawma sawi danin, Covid19 hrik thar UK leh Europe ram thenkhata hmuh mek chu khawvela Covid19 leng mek aiin za-a 70 zetin inkaichhawn a awlsam zawk a. He hri thar hmachhawn tur hian Mizoram sorkar pawh a inbuatsaih mek a ni.

November 25 atanga vawiin chawhma lam thleng khan UK atanga India rama lo lut mi 3318 chhinchhiah an ni.

Ram pawn atanga India rawn pan zingah hian mi 7 te chu tunhnaia Mizoram lo lut leh rawn pan mek te an ni.


Dr. Pachuau Lalmalsawma, Official Spokesperson & State Nodal Officer on COVID-19 chuan tunlaia khawvel timangangtu, COVID-19 hrik thar hmachhawn tura Mizoram sawrkar inbuatsaih dan hetiang hian a sawifiah:

Covid-19 hrik chhuak thar, Europe rama leng mek chu tuna khawvel pumpui tuam mektu ai hian  inkaichhawn theihna 70%  laia a awlsam zawk leh  fimkhur tak leh uluk taka inven a ngaih vangin India sorkar pawh in hma nasa takin a la mek a, Central sorkar kalphung zula state sorkar zawm tura an ruahman ang te bawhzuiin Mizoram pawh in hma rang takin a la venghal a -

1. Ram pawn (Foreign) atanga lo lut tur reng reng Lengpui Airport Screening ah uluk taka a bika lo  ngaihven mek an ni.

2. Video Conference pawh vawiin (December ni 28, 2020) chawhnu lam khan National Centre for Disease Control (NCDC) huaihawtin,ram pum huapin state hrang hrang IDSP ten an nei a; hetah hian hmalakna tur hrang hrang sawiho a ni.

3. Khualzinte endik hna Surveillance pawh International leh Domestic Airport-ah ngawrh taka neih mek niin, November ni 25 atanga vawiin (December ni 28, 2020) chawhma thleng khan mi 3318 chu United Kingdom atanga India ram lo luta chhinchhiah a ni a; heng zinga mi 7 hi tun hnaia Mizoram lo lut tawh leh rawn pan mekte an ni.

Post a Comment

He post chungchanga i ngaihdan lo sawi ve rawh:

Previous Post Next Post