Aizawl | December 1, 2020: Mizoram-ah hripui vanga nunna chan paruk an awm ta. Tv Lalbiakenga (41), Falkland veng, SRHF-ZMC-a COVID19 positive vanga enkawl mek chu vanduaithlak takin tukin dar 7:30 khan a thi.
Heti hian ani hi Mizoram-a COVID-19 vanga nunna chan parukna a ni ta a ni.
Tv Lalbiakenga (41), Falkland veng, SRHF-ZMC-a COVID19 positive vanga enkawl mek chu vanduaithlak takin tukin dar 7:30 khan a thi a. COVID19 bakah natna khirh tak tak engemaw zat a vei tel a ni.
— DIPRMizoram (@dipr_mizoram) December 1, 2020
Sawrkar thuchhuahin a tarlan danin, Lalbiakenga hian COVID19 bakah natna khirh tak tak engemaw zat a vei tel a ni.
Nimin khan Mizoram-ah COVID-19 positive 22 hmuhchhuah belh ani a, dam tawh 59 in enkawlna hmun an chhuahsan.
Tun dinhmun-ah Mizoram a hri vei hmuhchhuah tawh zawng zawng hi mi 3847 niin, dam tawh mi 3499 an ni a, enkawl lai mi 342 an awm mek a, nunna chan zat hi mi paruk an ni.
Hri vei hmuhchhuah tawh zingah hian Mipa 2834 awmin, Hmeichhia 1013 an ni.
Tun dinhmunah Aizawl-ah hri vei tam berin 177 an awm mek a, Lawngtlai-ah 76 awm lehin, Serchhip 34, Lunglei-ah 19, Champhai -ah 21, Kolasib 6, Mamit-ah 4, Khawzawl -1, Siaha 3 leh Saitual 1 an awm bawk a ni.
Hnahthial district chu hri vei awm lohna district an ni rih.
Post a Comment
He post chungchanga i ngaihdan lo sawi ve rawh: