COVID-19: Hri kai pariat hmuhchhuah belh; Hri vanga boral pariat awm tawh!

 

  •  Hri kai tamna ber Aizawl district-ah hri vei 66 awm mek!
  • Siaha, Mamit leh Khawzawl district chu hri vei awm lohna district an ni rih.

Aizawl | December 23, 2020: Nimin khan Mizoram-ah  COVID-19 positive 8 hmuhchhuah belh a ni a,  dam tawh 17 in enkawlna hmun an chhuahsan.

November 23 a boral ta chu nimin khan hri vanga boral a puan a ni.

Bihar Election duty kal lo haw, Thenzawl CCC atanga discharge a nih hnuah vanduaithlak taka November ni 23-a boral ta Pu R.Hrangthanga thih dan chungchang chu CMO Serchhipin investigation a kalpui a. Ni 22.12.2020 khan COVID19 avanga thia puan a ni ta a ni.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 5, TrueNAT hmangin positive 01 leh  Rapid Antigen test hmangin positive 2 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4141 niin, dam tawh mi 3989 an ni a, enkawl lai mi 144 an awm mek a, nunna chan zat hi mi pariat an ni.
Hri vei hmuhchhuah tawh zingah hian Mipa 3046 awmin, Hmeichhia 1095 an ni.

Tun dinhmunah Aizawl-ah hri vei tam berin 66 an awm mek a, Lunglei-ah 38, Lawngtlai-ah 24 awm lehin,  Serchhip 4,  Champhai -ah 4, Kolasib 5, Hnahthial-1,  Saitual-2 an awm bawk a ni.
Siaha, Mamit, leh Khawzawl district chu hri vei awm lohna district an ni rih.


🔹️ZMC RT-PCR positive:
➡️Durtlang Leitan: Hmeichhia kum 10, a pa hri vei mek atanga kai, symptom nei lo
➡️Laipuitlang: Hmeichhia kum 50 & 62, positive contact, symptom nei lo
➡️Thingsul Tlangnuam: Mipa kum 25 & 32, GVV Construction-a thawk, state pawn atanga lo kal, quarantine lai

🔹️TrueNAT positive:
➡️Lunglei: Mipa kum 28, 131 BSF mi leh sa, positive contact, symptom nei lo

🔹️RAgT positive:
➡️Aizawl district: Mipa kum 57, Silsury khua a cheng, private hospital pakhata hmuhchhuah, symptom nei, kaina chhui mek
➡️Lunglei Farm Veng: Mipa kum 52, symptom neih vanga test, kaina chhui mek

🔹️Sample test dan:
➡️ZMC RT-PCR: Aizawl - 643

➡️TrueNAT lab: Lunglei-23, Champhai-9, Mamit-5, Kolasib-33, Serchhip-19, Lawngtlai-36, Saitual-4, Hnahthial-12

➡️RAgT: Aizawl-121, Lunglei-49, Champhai-1, Mamit-11, Kolasib-5, Serchhip-12, Lawngtlai-55, Khawzawl-11, Saitual-7 Hnahthial-40

Post a Comment

0 Comments