CCC Part -IV: Covid-19 hri hi hri mak tak a ni

Khawvel in Coronavirus kan hriat hlim khan kan va buai hle mai a. A hri in kai dan kan hriat kha a hlauhawm em em mai a. World Health Organization pawh an rilru a buai hle anih kha maw. Boruak atang he hri hi a kai theih loh an ti a, a chang ah boruak atang pawhin a inkai theih an ti bawk a. A hri kai dan a danglam ang bawkin a inkaihhruaina pawh hi a danglam nasa hle tawh a ni. He hri hi hri phakar tak zawng a ni e.

Positive to Negative-Positive to Positive
Vawiin khan kan awmna Centre atangin Positive enkawl mek mi pasarih (naupang enkawltu nen pariat) ten test an nei a. Chung zinga panga te chu Negative result neiin Covid Care Centre an chhuahsan fel ta. Mahse, mi pahnih erawh an la positive tlat mai. Mak deuh mai chu naupang enkawltu Nu hi positive nisi lovin a fanu enkawl turin Triple C ah hian a lut a, vawiin thleng in a la negative zel a. A lawmawm tak zet a ni. Mahse, a fanu leh mi pakhat hi an la negative thei tlat lo hi thil mak tak chu a ni. Kan sawi tak angin he hri hi ava phakar em. He hri hi engtia in kai chhawn chi nge tih pawh hriatthiam a har ta hle mai. Fimkhur loh vang tih ngawt pawh hi a dik ber ang em? Covid care centre a negative chunga fanu enkawl tu pawh positive ho zingah a chetla a, a la negative reng hi *Vanneih leh vanduai* inkar a hri kai mai mai zawk hi kan ni lo maw...eng pawh chu nise fimkhur tak zelin hun hmang ila.  Face mask leh kut sil fai mawlh mai hi a pawimawh a. Taksa hriselna turin excer lak that pawimawh a. Tui lum kan in deuh reng a, kan in steam deuh reng bawk a, a nuam hle mai. Covid Care Centre a awm te hian *rilru eng thawl taka hun hman* hi kan mamawh pakhat anih ang takin positive kan nih leh nih loh pawh ngaihtuah lem lova, hlim taka hun kan hman ho na hi kan damna kawng pakhat ani ngeiin ka hre ve tlat a ni.


Alu pumkhat
T.Melody ten *_Alu pumkhat mai pawh hi a ṭangkai bial pakhat pawh hi sawm dawta za titling tu_* tiin mipui min lo awi nasa tawh a. Kan thle dual dual anih kha maw..mahse, Alu pumkhat hmin lo ei erawh chuan pum a ti nuam lo ngei mai. Nileng a hun awl han hman takah chuan sawi tur a vang si a, kan chawhmeh a tui leh tui loh han sawi ngawt pawh ka tum lem lo. Tukin zing a kan Alu kha a hmin leh hmin loh sawi ka duh lo. Mahse, T.Melody ten *Alu pumkhat* hla an sak kha min ti hre chhuak a. Chuvangin Alu hmin lo chuan pum a ti nuam lo tih ka han sawi mai chauh a ni e.


Zanin hi Covid Care Centre a awm te leh kan chhungte tan Pathian i au leh ang u aw. Kan damna tak tak chu amah ah chauh a awm si a.

- ELVIS ZUALA

December 14, 2020

Post a Comment

0 Comments