Ramri buai vanga kawngpui dan hawng; Lirthei sanghnih chuang lut tawh

Aizawl | November 15, 2020: National Highway 306 dan pin hawn a nih hnuah Assam atanga Vairengte Gate patlangin mipui mamawh phur lirthei tam tak a lo lut tawh a, sawrkar thuchhuah tarlan danin, nimin November 14 tlai dar 4 thleng khan Motor 2226  a rawn lut tawh.


Lirthei 2226 zingah hian Oil phur 129 an] tel a, Gas phur 95 an tel bawk. Motor 2226 zinga 526 chu motor tè, LMV niin sawrkar chuan a tarlang.

Mipui mamawh a rawn lut mek zel a, mamawh tlakchhamna vanga buaina a reh thuai beisei a ni.

Mizoram Journalist tha leh hriat hlawh ZMP Tlau chuan, kawng tlang chungchangah hian facebook-ah a ngaihdan hetia hian a sawi, 'Vairengte lamah motor 3000 a rawn lut tling tep tawh' tih vel hi kut benna tur chi ah ka ngai ve lem lo. Thenawm pakhat khuang vuak rual a kut lo ben ve sek hi a ninawm a, a ki an thlakin a buaithlak tlat.

KUT KA LA BENG VE THEI LO E 'Vairengte lamah motor 3000 a rawn lut tling tep tawh' tih vel hi kut benna tur chi ah ka...

Posted by Zmp Tlau on Saturday, 14 November 2020
Chuvangin, hun rei tak Lailapur lamah kawng dan an titawp tihrual a kut kan ben thlup thlupna rilru hi tun tum chu kan paihbo a, bungraw man tlawm zawk a Agartala atanga lak a nih hma chuan kan kut kenna kut hi i zial tha leh rih teh ang u.

Kan intodelh loh avang.. ti a mahni ram hmusit zawng a rilru put chu tha ka tih zawng a ni ve lo. Tu ram leh hnam mah hi intodelh thlip thlep an awm lo a, kan kawngpui dang thin tu Assam a bungrua kan lak thin pawh hi hmun dang atanga an lakluh ve tho a ni.  Assam atanga bungraw rawn lut avang hian kut beng rilru ka la pu hlei thei lo a, kun benna hun atan KANHMUN leh DAMCHERA inkar lei an dawh peih hun tur ka la nghak rih e.

Post a Comment

0 Comments