MADC hnuaia Village Council 8 By-Election tluang takin zo

Aizawl | November 12, 2020: Mara Autonomous District Council hnuaia chhan hrang hrang avanga Village Council 8(pariat)-a seat 38 (Sawmthum leh pariat) hmunawl hnawhkhahna tura inthlan chu tluang taka zawh a ni ta.

He inhtlan nei tur hian Mizoram State Election Commission chuan ni 13.10.2020 khan inthlanna ni 10.11.2020-a neih turin a puang a, inthlanna hi tluang taka neih zawh a ni ta a. He Village Council 8 (pariat) a inthlanna buatsaih ah hian voters 5033 awmin voters 4008-in vote an thlak a, a pumpuia vote thlak zat percentage chu 79.63 % a ni.

 

Vote tlak that berna Village Council Constituency hi 88.31 % vote tlakna 84 - Khopai Village Council Constituency a ni a, Voter 462 awmah 408 in vote an thlak a ni. Vote tlak chhiatna ber chu 21 – College Vaih - I a ni a, he Village Council Constituency ah hian Voter 960 awmah 657 in vote an thlak a, 68.44 % in vote an thlak a ni.

VC pariatah hian MNF in VC nga an la a, BJP in VC thum an la thung a ni.

Village Council thlan thara Party in hnehna an chan dan chu hetiang hi a ni;

9 – Meisavaih East MNF

10 – Meisavaih West MNF

19 – New Colony – III BJP

21 – College Vaih – I  BJP

26 – Siahatla – I  MNF

76 – Ahmypi MNF

79 – Phura South BJP

84 – Khopai MNF