Aizawl | November 2, 2020: Assam, Lailapur lam mi Intyaz Ali (48) S/o K Ali, nimin lama Vairengte kawngthar branch YMA ten Vairengte daiah ruihhlo a tawlh ru lai an man, Excise & Narcotics Deptt, Vairengte kutah an hlan tak chu, vawiin chawhma dar 10:20 khan Community Health Centre (CHC) Vairengte ah a boral a, speticemia vanga thi nia sawi a ni.
Tuna boral ta Intyaz Ali (drug zuar thin) hi damdawi khawih ve fo nia sawi niin a ke pawh a vung nasa hle a, hei hi a thihpui ta nia rin a ni.
Intyaz Ali ruang hi Vairengte CHC ah postmortem mek a ni a, hemi zawh hian Lailapur lamah thawn thlak a ni ang.
Tunlai Cachar lam nena kan inep boruak karah hetianga vanduaina a thleng hian boruak a ti rip leh zual lovang tih a sawi theih loh a ni.
(ZRV News)
*HRIATTIRNA*
Mizoram chhungah vai (Herion dealer) a thih avangin boruak ṭha lo thleng thei a ni a. Mizo zirlaite fimkhur tur leh kan sahimna ngai pawimawh turin kan inhriattir e.
Mizoram House lama kan hotute kan bia a. Kan sihimna tura Mizoram House lama tlan khawm mai pawh a ṭhat a rinawm a. Inthlahrung miah lova kal mai tur a ni.
Mizoram House kan pan dawn a nih chuan vai ruangin Assam a thlen thlak hmaa kal thuai ni se a ṭha ang...
Chutih rualin chiai lovin, engkim fim taka ngaihtuaha che turin kan inchah a. Harsatna nei tan MSU Secretary @+91 91011 48616 biak theih reng a ni.
-Vanlalhmingduhawma
President
MSU Jt. Hqtrs., Silchar
Post a Comment
He post chungchanga i ngaihdan lo sawi ve rawh: