COVID-19: Hripui vangin mi pakhat boral; Hripui vanga boral 4 tling tawh!

Aizawl | November 15, 2020: Hirpui leng mek vangin Mizoram-ah nunna chan mi pali an awm ta.
Sawrkar thuchhuahin a tarlan danin, Pu Lalnuntluanga (34), Durtlang chu ZMC ah hun rei tak enkawl a nih hnuin vanduaithlak takin COVID19 vangin nizan 14.11.2020 dar 11:30 khan chatuan ram a pan ta. 

A ruang hi ZMC atangin tukin zingkarah lak chhuah a ni a, vawiin chawhma dar 10 ah MC Hall, Durtlangah vui a ni ang.

Tun dinhmun-ah Mizoram a hri vei hmuhchhuah tawh zawng zawng hi mi 3393 niin, dam tawh mi 2820 an ni a, enkawl lai mi 569 an awm mek a, nunna chan zat hi mi pali an ni. Nunna chan zat hi Mipa pathum leh Hmeichhia pakhat an ni.

Hri vei hmuhchhuah tawh zingah hian Mipa 2525  awmin, Hmeichhia 868 an ni.

Post a Comment

0 Comments