COVID 19: Hri vangin hmeichhe pakhat boral

Aizawl | November 5, 2020: Vanduaithlak takin tukin zing dar 1:30 khan COVID19 vangin Pi Darhawni chu Zoram Medical College (ZMC)-ah a boral.




Sawrkar thuchhuah tarlan danin, Pi Darhawnin  hi kum 78 mi niin, Leitan venga cheng leh khawsa a ni.

Amah hi October ni 21 khan RAgT hmangin COVID19 a kai tih hriat chhuah niin ZMC Isolation Ward-ah enkawl a ni a. October 23 ah ICU a dah luh a ni.

Tun dinhmun-ah Mizoram a hri vei hmuhchhuah tawh zawng zawng hi mi 2958 niin, dam tawh mi 2435 an ni a, enkawl lai mi 521 an awm mek a, nunna chan zat hi mi pahnih an ni.

Tun dinhmunah Aizawl-ah hri vei tam berin 461 an awm mek a, Champhai -ah 32, Lawngtlai-ah 13 awm lehin,  , Lunglei l-ah 5,  Mamit-ah 4, Kolasib 2, Saitual 2,  Khawzawl 1, Serchhip-ah 1, an awm bawk a ni.

Hnahthial leh Siaha-ah hri vei an awm rih lo.

Tukin COVID 19 Update HETAH kan dah e.

Post a Comment

0 Comments