Mizoram University (MZU) Master of Arts (MA) English Gold Medalist Rivca Lalnunsangi kan belchiang.
MZU MA (English) Gold Medalist 2020 - M.A(English) a Cumulative Grade Point Average (CGPA) 7.739 hmua gold medal ni thei Rivca Lalnunsangi hi a chhungte chuan 'Mami' tiin an ko thin a, a thiante chuan 'Riv' tiin an ko thin.
Rivca a kutchhuak nen
Fam K Lalhmunsiama leh Lalchhandami te fa panga zinga a milai Rivca Lalnunsangi hi January 19, 1996 khan a lo piang a. Unau panga niin Mipa pahnih leh hmeichhia pathum an ni a, Rivca hi an milai a ni.
Rivca te hi Bawngkawn, Aizawl-ah chengin an khawsa a, Jewish chhungkua a tanga seilian a ni.
Rivca hi zirna lama a tihthat bakah hian lemziak thiam a ni a, a kutchhuak pawh a mawi hle a ni. Hemi bakah hian, Mizo Photographers Society (MPS) in an thlan thin Chapchar Kut Lady 2017 ah Top 10 ah thlan a ni ve a, MZU Varsity Miss 2019 ah runners up a ni bawk.
Zirna lam inzawt ila pawl 10 chin i zirna:
- Pawl 1 hi Kawlkulh Primary School I-ah ka kal a, pawl 2 atanga pawl 10 thleng hi Modern English Higher Secondary School, Sarawn Veng ah ka kal. Primary atanga middle school ka kal chhung hian Top three emaw Top 5 ah ka lang tlangpuia. High school chhung zawng khan mahni class ah pakhatna nihna ka hauh ve thin. Pawl 10 hi 2013 khan 1st Division ah pass in Mizo subject ah letter ka hmu ve bawk a ni.
- Pawl 1 hi Kawlkulh Primary School I-ah ka kal a, pawl 2 atanga pawl 10 thleng hi Modern English Higher Secondary School, Sarawn Veng ah ka kal. Primary atanga middle school ka kal chhung hian Top three emaw Top 5 ah ka lang tlangpuia. High school chhung zawng khan mahni class ah pakhatna nihna ka hauh ve thin. Pawl 10 hi 2013 khan 1st Division ah pass in Mizo subject ah letter ka hmu ve bawk a ni.
Pawl 12 i zirna leh zawhna:
- Pawl 12 hi Government Mizo Higher Secondary School, MacDonald Hill atangin kum 2015 khan 1st Division ah ka pass ve a, History leh Education subject ah te letter ka hmu ve bawk ani.
- Pawl 12 hi Government Mizo Higher Secondary School, MacDonald Hill atangin kum 2015 khan 1st Division ah ka pass ve a, History leh Education subject ah te letter ka hmu ve bawk ani.
B.A leh a chunglam:
- College leh University ah hian English subject ka la ve ve a. Under Graduate hi Pachhunga University College ah kum 2015 atanga 2018 thleng ka zir a, Post Graduate hi Mizoram University ah kum 2018 atanga 2020 thleng ka zir leh ani. Pathian zarah tha takin ka pass chhuak ve ve bawk a ni.
- College leh University ah hian English subject ka la ve ve a. Under Graduate hi Pachhunga University College ah kum 2015 atanga 2018 thleng ka zir a, Post Graduate hi Mizoram University ah kum 2018 atanga 2020 thleng ka zir leh ani. Pathian zarah tha takin ka pass chhuak ve ve bawk a ni.
# I lehkha zir dan?
Lehkha zir hi a hunbi bik ka insiam sak lemloa. Ka subject lak hi ka tui ve a, kan course baka a behbawm neuh neuh leh ka tuina zawng thildang khawih pahin ka zir tlangpui. A chawhruala chhut chuan ni khatah darkar hnih atanga darkar thum (a rei berah) ka zir tlangpui. A pawimawh leh a hnua hman tangkai tur hi ka chhinchhiah a, exam dawn hnaiah hian ka ennawn tawh mai thin. Quotes chhinchhiah ngai te anih lemloh chuan by heart in lehkha ka zir ngai lo.
# harsatna I hmachhawn dan?
- Ka pa a boral hma avangin ka nu hian hna a thawk nasa hle a, chuvangchuan unau chauha ina awm chang kan ngah a, lehkha zir na hun tur neilo leka buai chang pawh kan nei ve thin. 2017 atang khan ka nu thyroid cancer treatment la in Delhi ah kan kal ve zak zak bawka, hun a tlem thin em avangin lehkhabu ka paia, thlawhna chuan lai leh Mizoram House-a thlenna ah te a rem remah ka in chhiarchhuak ve mai thin. Harsatna dang neuh neuh a awm pawn in adjust zung zung dan ka zawng mai thin.
M.A (English) Gold medalist ni tura i beih dan?
- A zirlaia zir nasat ngawr ngawr ai mah chuan a boruak leh teacher thiam tak te class lecture te, thiantha kawm leh class chhung leh pawna zirlai sawiho na khan BA atanga MA thlengin min pui ni berin ka hria. Department chhung mai nilo thildang huaihawt neuh neuh, hriatna tizau thei tura ka telna te, kan course bakah kan course tichiang thei tur essay leh thuziak dang ka en nual thin hian min pui nasa hle bawkin ka hria. Nitina zir nilo mah ila, ka zir ve theih chhuna taima taka ka en thinna khan min pui hle bawk ani. A tawpah chuan, keima thawhchhuah chiah nilovin kan zirtirtu leh ka classmate te zara ka neih theih chauh a ni.
M.A (English) Gold medalist ni tura i beihnaah faculty lamin an ṭawiawm/pui ṭha chein i hria em?
- Kan zirtirtute hi zirlaite tan an phur thei hle a. Duhsak bik nei miah lova min zirtirna te, a saptawng taka, ‘out of the box thinking’ min zirtirna hian khawthlir a tizauin nun hrim hrimah hriatthiamna zau zawk nei thei turin min pui ani. Zirlai harsatna nei, sum lam emaw rilru leh taksa hriselna lama pan deuh te tan pawh nu leh pa ang maia min tawiawmtu te an ni a. Ka tan phei chuan zirna lama min fuih phurtu leh mamawh ka neih apianga min puitu an ni lehzual.
I zirna atana i chhungte pawimawhna:
- Lehkha ka zir hian zan tlai lamah ka en nasat avangin zingkar lam inchhung chet hi ka unauten min chhawk nasa hle. Zirna lama ka mamawh ang angah chuan phur takin min hrethiam a, an theih ang angina min pui thin. Ka hlawhtlinna chu an hlawhtlinna ani zawk mah.I zirna atana i ṭhiante pawimawhna:
- Thiantha te tello chuan hmasawn hi a har a, zirlai sawiho te, intihsiakna a tel ho te, emaw kan thil la hriat chianloh hrechiang tura sawiho te, harsatna in hrilh tawna a chinfelna zawn te hi hmasawnnna vek ani. Anni tello chuan ka thil hriat tamtakte hi ka hre hauh lo ang. Zirna chu thuhran nise, nitin nun atana ka malsawmna dawn te an ni.
Duhzawng leh ngainat zawng
Rawng- a var
Chawhmeh- mizo bai leh a dangte
Incheina- smart, mashe hak nuam
Rimawi- mizo lenglawng
Mizo ziaktu zingah- Vanneihtluanga
Hla- Zirsangzela Hnamte -Phengphe Nunnem
Hla phuahtu- Zirsangzela Hnamte
Teacher- Jordan Bernt Peterson
Leader- Queen Elizabeth I
Mize ngainat zawng:
- Mi rirlu tha, ngilnei, fing leh midangte dinhmun hrethiam.
Mize ngainat loh zawng:
- Mi chapo, rilru thalo leh mahni tanghma chiah ngaihtuah.
Hobby - lemziah, thuziah leh lehkhabu chhiar.
Relationship status- no vacancy
Kawppui atan duhzawng:
- rilru puitling tak, mawhphurhna hlen thin, ka kawmngeih tak tur leh kawng engkima hma ka sawn pui theih tur mi.
Zawhna dang:
1. A tel lova i awm theih loh:
1. A tel lova i awm theih loh:
- Ka chhungte, ka thiantha te leh ka zawhte te
2. I nun kaihruaitu:
- Khawvel a tha zawnga thlak tuma lo bei tawh tu zawng zawng te.
3. Hringnuna i hlauh ber:
- Lemlawi taka nun hman
4. I tih ngai miah loh tur:
- Duhamna avanga mite chan ai ei
5. Mizo Tualzal nuna ṭha i tih:
- Chhiatni leh that ni a chhungkua ang maia kan in puih tawnna leh tlawmngaihna hi a hlu ka ti khawp mai.
6. Quote i duh ber:
“I don’t know where I’m going, but I’m on my way”
- Carl Sagan.
7. Mizoram leh Mizo tualzal nuna Mizo hmeichhiate dinhmun:
- Mizorama mizo hmeichhiate hi a tlangpuiin an chhuanawm ka ti hle a. Office hna atanga eichawp zawn leh sa sah te thlengin an thawk vek theia, chhungkaw nu ber nih bakah sum lalut tu ni thei hi an tam hle. Ram economy siamtu lian tak an ni a, hma kan sawn zel pawh ka beisei.
8. Hnam hmingṭhat leh hmingchhiat kawngah Hmeichhiate'n mawhphurhna:
- Hnam ang zawnga hmingthatna leh mualphona thlen theitu chu keimahni bawk kan ni a, tumah insawchhe lova hmasawn zawk tura infuihna hian a hmei a pain min puih ka ring. Hmeichhiate pawh zirna lamah emaw kan thiamna lam theuhah tan la zual ila, kan ram siamthatu kan ni thei vek.
9. Hnam ziarang chawinun kawnga Hmeichhiate mawhphurna:
- Kan hnam ziarang, kanlo tlangchhuahna leh kan pi leh pute atanga vawiin ni thlenga kan kalphung hi hrechiang ila, Mizo hmeichhiate leh mipate hian kan mizo nun ze mawi hi nitin a taka nunpui theih la awm apiang hlut taka kan nunpui chuan kan hnam ziarang kan chawisang zel ang.
10. Mizote tan 'Fa neih tlem' inzirtir hi a ṭulin i hria em?
- Mizo hnam hi kan la tam lova, fa neih tlem inzirtir hi tul berin ka hrelo. Amherawhchu, puitling tak leh mi intodelh kan nih hma loh chuan nupui pasal neih emaw fa neih teuh hi a fuh ber lo.
11. Mizo hnam ṭhanmawh bawk nia i hriat?
- Mizo hnam thanmawh bawk nia ka hriat chu ruihtheihthil vanga kan thalai tamtak nun chhia te, zuk leh hmuam vanga natna kan tawrh te, hruaitu diklo mipuite chan ai ei thin te leh mahni mawhphurhna aia thildang ngai pawimawh tute kan awm nual hi niin ka hria.
12. Mizo hnam damna atana kawng awm nia i hriatte?
- Kan hnam damna atan chuan hruaitu dik leh tha, hmathlir tha tak nei, mipui taima tak ei leh bara kan intodelh theihna tura hma la tu turte leh thalai zirna leh an thiamthil neih ang anga taima tak leh tumruh taka bei te niin ka hria. Moral education hi tun aiin in zirtir nasa ila kawng tam takah hma kan sawn ka ring bawk.
13. Hnam chhan nana Hmeichhiate ṭangkaina leh mawhphurna?
- Hmeichhiate hi hnam chhan nan leh hmasawn na atan kan pawimawh hle. Ram hmasawn nan chuan zirna tluka hlu a awmloh ang bawkin, kan thiam zawng ang angah mi chhawrtlak tak ni tura inzir hi kan tihmakmawh niin ka hria. Kan state chhungah leh pawn lamah pawh aw pawimawh tak nei ve thei tura inzir leh hna chelh hi mizo hmeichhiate tihmakmawh ah ka ngai.
14. Zirna, Khawtlang leh Kohhran hi?
- Zirlai tan chuan a lehkha zir hi a duty hmasa ber a ni a. A duty hmasa ber theihnghilh khawpa khawtlang leh kohhrana a inhman chuan a tan a tha ber lo. Inkhawm leh khawtlang a a hminga lan ve zeuh zeuh hi zirlai tan chuan a tawk viauin ka hria.
15. Khawtlang, Kohhran leh nangmah:
- Ka tan chuan zirna hi ka dah pawimawh ber a. Chutih rualin inkhawm te, khawhar in kal leh tlawmngaia chhuah ngaihna angah hun awl ka neih chuan phat loh ka tum hram hram thin.
16. Social Media leh Nangmah:
- Social media hi a tangkai zawngin a hman theih a. Zirna lam atan te, ka lemziah phochhuah nan te leh hmelhriatte biak nan ka hmang.
17. Mizoram ṭhalai tam tak tlakchham:
- Mizo thalaite hian vawi leh khatah changkanna kan hmachhawn rup mai a. Hei hian nun a ti awlsam viau naa, thatchhiatna leh awhna sual (materialistic culture) a titam hlein ka hria. Hemi avang hian taimakna leh nitin nuna thil tak tak kan ngaihtuahna tur min dalin ka hre thin. A tawp thlenga tih tang tang na leh phurna hi kan tlachham in ka hria.
18. Mizo ṭhalaite hian ngaihsan tur dik an ngaisangin i hria em?
- Tunlai khawvelah chuan social media-a exposure hmu nasa apiang hi rawltharte ngaihsan hlawh an ni mai hian a hriat a. Chuvangin, mi dik leh tha ten social media lama exposure an hmuh hi a tul hlein ka hria.
19. Ngaihsan tur dik nia i hriat:
- An hna thawh lam chu engpawh nise, anmahni engang mi pawh ni rawh se, mi dik, taima leh hawihhawm tak te hi ka mi ngaihsan ber te an ni.
20. Hlawhtlinna tura pawimawh:
- Hriselna, taimakna leh tumruhna.21. hloh i hlauh ber:
- Beiseina dik.
22. Hnam dang nupui pasal neih hi-
- Mihring inlaichinna hi hnam leh nihna ina a thunun theihah ka ngai lova. Mimal zalenna leh duhthlanna mai bakah seilenna a zir te niin ka hria. Amaherawhchu, mahni hnampui ngei neih chu mi nawlpui leh keimah ngeiah pawh duhthusam angah ka ngai.
I thalaipuite tan fuihna:
- Ka thalaipuite hnena ka sawi duh chu in tuina lamah khan kal ngam rawh u, tuina a awm chuan thiamna in a zui a, chu thiamna chuan eng kawngah emaw tal hlawhtlinna tha a thlen ngei ngei thin. Degree chu engpawh nise, mi hman tlak ni turin in zir thin ang che.
EXPLOREMIZORAM.COM i hmuh dan:
- Mizo thalaite mai bakah leh nu leh pate tan pawha tum tha tak nei niin ka hria a. Thalaite tan abikin infuih tawnna tha tak a nih zel theih ka beisei. A kal zelna turah pawh duhsakna sang tak ka hlan e.
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: