RAMRI BUAINA: Thinghlun lamah inep leh

Aizawl | October 19, 2020: Ramri buaina chuan ziaawm lam a la pan tak tak thei lo. Thinghlun lamah boruak a sosang leh nia thu dawn a ni.

vawiin tlai dar 5 vela Thinghlun

Vawiin khan Thinghlun lamah Assam Police lam an lo kal leh a MZP hruaitute nen an inep a.

He thu ziahlai, 1:30PM hian Mamit official te thlengin an inbe mek nia thu dawn a ni.

Thinghlun Zofate Thlam sakna ah in ep.

Tunah hian Thinghlun khua a MZP in Zofate Thlam a sakna piah Assam lamah Assam sawrkar thu pek angin Assam lamin Thlam an sa a, Assam Police tam takin an veng a ni. He thil hi duh lo in MZP leh Thinghlun khawtlang hruaitute kalin, an hna thawh tawpsan turin an ti. An hnathawh hi tunah hian an tawp san rih ni in hriat a ni, an tawp san ngei leh ngei loh fiah tur a kal leh vat a nih tur thu MZP Treasurer Pu Andrew F Lalramnghaka chuan a sawi. Tunah hian Mamit DC leh SP lo thlengin an thu leh in biakna ngaihchan mek a ni.

Mizoram chhungah Assam in In sak ve an tum a, Zaite khua Mizote tih luihna hmangin In sak an tumna hmun an tih fai tir. Assam lam hian he hna an thawh tir avang hian Zaite khua hi Village ah hlankai an tiam a ni. He hna an thawh lai mek hian MZP leh Mamit DC hovin an phei a. An hna chu tawp tura hrilhin haw tir an ni a Forest dept leh Assam sipai pawh an lo awm bawk.

5:50 PM:

Tlai dar 5 vel khan Assam lam ADG leh Official thahnem tak mai Assam Police te nen an lo kal leh a, Pu Zolawma thlam sak hi an lo sawisel leh a,dar 5:40 vel khan an  let thla leh a, boruak awmdan hi hriatthiam ala har hle. Engtik lai pawn boruak inlumlet thei reng ani.