MZU in UG result tichhuak; Gold Medalist pali zingah hmeichhia 3 awm!

Aizawl | October 20, 2020: Mizoram University (MZU) hnuaia Under Graduate (UG) [BA, BSc, B.Com, B.Sc (Home Science)] Final Semester(6th Semester) leh 2nd leh 4th Semester (Repeater) nizan dar 7 khan MZU in a ti chhuak.

Gold Medalist pali awmin, mipa pakhat leh hmeichhia pathum an ni.

Bachelor of Arts-ah gold medalist hi Economics topper Samuel Malsawmzuala niin  Pachhunga University College (PUC) zirlai niin, CGPA-ah 9.29 a score a ni.

Bachelor of Science (B.Sc) -ah Zoology department a mi PUC zirlai tho JH Zorinpuii niin,CGPA chu 9.38 a ni.

Bachelor of Commerce (B.Com) ah HATIM zirlai Rohluzuali chu CGPA 8.63 hmuin gold medalist a ni a.

B.Sc (Home Science)-ah Govt Zirtiri Residential Science College (GZRSC) zirlai Lalringzeli Renthlei chu CGPA 8.25 hmuin gold medalist a ni bawk.

Gold medalist zingah hian PUC zirlai pahnih, HATIM leh GZRSC zirlai pakhat ve ve an awm a ni.

Result hi online a en theih a ni a,  Online-a Result en duh tan www.mzuegov.in/onlineresult ah en theih a ni.
Result Bu en duh tan kan dah e.