MZP leh Vairengte Ṭhalaiin Kawng dang; Police in kawng dangtute khawm

Aizawl  | October 22, 2020: Nizan dar 8 aṭang khan Mizo Zirlai Pawl (MZP) leh Vairengte Ṭhalai Pawl chuan Mizoram leh Assam inkalpawhna kawng chu an dang a ni.

Thu dawnnain a tarlan danin, MZP duty ten theihtawp chhuah in kawngpui an dang a, Mizoram Police ten tlangtir an tum thung.
MZP duty te hi police lam in an tam hneh si a, che theilo a siam in an khawm zui ta niin thudawnna chuan a tarlang.
Tunah hian MZP hruaitute hi Vairengte PS kawtah dah mek an ni.
MZP lam hemi chungchang ngaihtuah tur hian vawiin zing dar 10 hian ṭhutkhawm hmanhmawh an ko a, an ngaihtuah dawn niin thu dawn a ni.

MZP te hian Vairengte leh Lailapur inkarah kawng an dang a, MZP hian Lailapur leh a chhehvel mipuiin Mizoram luhka ber kawng an dan rulhlet nan leh Mizoram mipui thla a phang lo tih hriattir nana dang an niin thu dawn a ni.

Hetihlai hian Mizoram sawrkar chuan tuna IR duty a dahte chu hnuhkir a tum niin thuthang a awm  a, hei hi mi tam takin duh lovin an dodal mek bawk a ni.

Post a Comment

0 Comments