Aizawl | October 31, 2020: Lockdown vanga mi tin mahni chhungkaw mamawh ngaihtuahi an buai a, hei hi thil mak a ni lo, dam tur chuan ei tur leh chhungkaw mamawh a pawimawh a, hei hi thil pangngai a ni. Mahse, chutihlai chuan, thil pangngai aia danglam thleng a awm tlat mai; Aizawl khawpui zau tak mai-a veng pakhat Chanmari West-ah chuan mahni chhungkaw mamawh mai ni lova mi dang ngaihtuah tel an awm tlat mai. Hei hi in kawta buhfai bag-a 'A mamawh tan lak theih' tih intar atang hian a chiang awm e!
Chanmari West, K Section-a cheng chhungkaw pakhat Pi Sapkhumi te chhungkua chuan a mamawhtute tana lak theih turin an in kawt kawngka bulah buhfai an chhawp.
Buhfai bag-ah chuan 'A mamawh tan a lak theih' tih an tar kalh bawk a, mi tu pawh lockdown vanga leina tur nei lo leh lei tur hmu zo lo, a mamawhtute tan he buhfai hi chhawpin, a mamawh apiang tan buhfai an hung chhuak tawp a ni.
Pi Sapkhumi K section, chanmari west te chhungkua te thiltih hian fak a hlawh hle a, fakawm ti an tam a, a ti thei tan chuan entawn a, tih ve zel chi a ni tiin social media lamah fak leh post chhawn a hlawh hla ni.
Mi dang mamawh tak tak an awm thei a ni tih hria a hetia mi inpete avang hian Mizo nih a nuam a, nun a nuam thin reng a ni.
Post a Comment
He post chungchanga i ngaihdan lo sawi ve rawh: