Aizawl | October 17, 2020: Nimin October 16 khan Lai Autonomous District Council (LADC)-a sorkarna chelh mek tu, Congress Legislature Party chuan BJP Legislature Party an din tih Dy. Chairman, LADC hnenah an thehlut a, LADC a Congress Sorkar chu BJP Sokar-ah a inlet fel.
LADC Chief Executive Member (CEM) T Zakunga chuan Hnam rilru pu chungin, LADC in hmasawnna leh dinhmun sang zawk a neih theihnan a BJP zawm an nih thu a sawi.
Lai Autonomous District Council a Sorkarna chelh mektu, Congress Legislature Party chuan nimin khan BJP Legislature Party an din thu Deputy Chairman Pu LR Dingliana Chinzah hnenah thehlutin, LADC ah Sorkar thar BJP Sorkar a piang fel.
He thu hi Nimin chawhnu khan LADC a CEM Pu T.Zakunga chuan Lawngtlai Press Club ah thuthar lakhawmtute an kawmna ah sawiin, CEM chuan State a Congress Sorkar Pu Lalthanhawla kaihhruai a din laiin hnam hnufual zawkten ngaihsak leh duhsakna an dawng nasa tih sawiin, Pu Lalthanhawla leh a kaihhruai MPCC chungah lawmthu a sawi a, State ah Party dang an Sorkar hnu ah District Council sorkar chuan nasa takin an tuar a, hemi atanga chhanchhuaktu chu BJP Sorkar an ni tih sawiin, Central lam ah thuneitu an nih piahlam ah District Council ten hmasawnna an neihtheih nan a ruahmanna awmte tihhlawhtlin tumin nasatakin Central Sorkar chuan hma a la tih Pu T.Zakunga chuan a sawi a...
Tuna Congress chhuahsan a BJP a an lut ta chu ram leh hnam in hma a sawn zel theih nan leh hnam damna atan a nih thu sawiin, mimal hamthatna leh inthlanpui neih tur enzawn ngawr ngawr vanga lut an nilo tih a sawi a, Lai mipuiten khaw eng an hmuh chhoh deuh deuh theih nan a dawhthleng kan lo her rem ve zawk a ni a ti..
Kum 2015 a LADC inthlanpui neih ah Seat 25 awmna LADC ah INC chuan Seat 16 changin, MNF in Seat 8 Independt in Seat 1 a chang a, Congress kaihhruai Sorkarna kalmek a, tunhnai khan Congress MDC pali te chuan MNF Party an zawm a, nimin a Press Conference ah hian Thuthar lakhawmtute zawhna chhangin, Pu T.Zakunga chuan Congress MDC, BJP a lutzat chu reilote ah puanzar a nihtur thuin a chhang a, nimin a CLP Meeting ah, a tam zawkin BJP a luh an tihtluk vangin, BJP Sorkar chu din an nih thu a sawi.
Nimin Press Conference ah hian CEM hi Congress MDC panga bak ah BJP State Vice President Pu JB Rualchhinga leh hruaitu dang ten an tawiawm.
Post a Comment
He post chungchanga i ngaihdan lo sawi ve rawh: