Governor in Assam Rifles’ Cleanliness Drive hawng

Aizawl | October 2, 2020: Mizoram Governor PS Sreedharan Pillai chuan nimin  zing khan Mahatma Gandhi Lim awmna, Zodin Square-ah ni 3 awh, 46 Assam Riffles’s Cleanliness Drive a hawng a. He faina hnatlang hi Mahatma Gandhi piancham pha phak vawi 150 denchhena buatsaih a ni.


Assam Rifles te buatsaih Khawlai Thenfai hnatlang hawngtu Governor P.S. Sreedharan Pillai chuan India Hnam Pa, Mahatma Gandhi kha a nitin nun leh khawsak atangin kawngtam takah zirtirna min pe a. Faina kawngah te, hriselna kawngah leh intodelhna kawngah te pawh Gandhi nunah zirtur tam tak kan nei a. “Ram intodelh “Atma Nirbhar Bharat” kan nih theihna turin Pu Gandhi pianchamah hian thawhhona tha zawk kan mamawh tih hrechiang tur leh  mitin ten kan pawimawh dan a inang vek a ni tih hre thar leh theuh turin kan in chah a ni”, a ti. 

 

46 Assam Rifles’ Cleanliness Drive hawnna programme tawi hi Brig Vinod S, SM, VSM, Commander 23 Sector AR in a kaihruai a. He hunah hian Chanchinbumite bakah Col Viplav Tripathi, Commandant 46 AR leh a thawhpuite pawh an tel a. Hawnna function tawi neih a nih hnuah Assam Rifles Sipaite chuan Governor hnungzuiin kawngpui an phiat fai.

Post a Comment

0 Comments