DARKAR KHAT BO/BELH CHUNGCHANG

(British  Summertime  ends pual in)

Oct 25, 2020 Sunday: October thla Pathianni hnuhnung ber last Sunday ( October 25) zing lam dar 2:00  Greenwich  Mean  Time (GMT)  a rik rual chiah hian UK  leh ram dang 70 vel zet chuan  an ram sana chu darkar khat in an herh hmain , *dar 2:00 ni tawh kha darkar khat herh letin  dar 1:00  am a lo ni thar leh thin* a, hei hi summertime tawp ni anih rualin wintertime ințan ni a ni. Hetiang winter time bul țan ni hian darkar khat in mut hun an  neih tam phah thin a, Pathianni (Inrinni zan lai) taka he sana herh hma hi a ințan avangin thawh hai, inkhawm hun hai an tam țhin a, ngaiah an neih hlei thei lo a ni ber mai. Kum2021 March thla Pathianni  hnuhnung  ber  a lo thlen hunah Wintertime tawp ni leh Summertime  intan ni a lo thlen hun zan dar 1:00  a rik hunah an sana darkar khat a an herh hma leh hma  loh chuan GMT  nen hian darkar  5:30  in Indian  Standard  Time hi a inthlau  leh tawh  dawn a ni.  Hei hian English  Premier  League  inkhel prime time show zan dar 7:30  pm  a kan en thin pawh GMT  sana a dar zat pangngai  reng kha India  Sana herh danglam  a nih ve loh avangin zan dar 8:30 pm alo nih phah leh dawn ta a nih chu. 
Hetiang hi sana herh danglam hun tur a ni ang.

March 28, 2021 - 31 Oct.
March 27, 2022 - 30 Oct. 

*Eng vang nge?*
Khawvel  hi a mum a nih zia chu hmar  tawp leh chhim tawp lam hnaih ram atang te hian a chiang bik thin.  Keini ram hi Khawvel a kiar  lai taka awm kan nih avangin min nghawng nep deuh avangin  sana herh danglam  ve lo kan nih a rinawm. 

England  ah khuan June 21 ni rei ni ber chuan ni chhuak leh a tlak inkar hi  darkar 16 leh 50 minutes  a ni a, dar 4:40 ah ni a chhuak  a,  tlai lam 7:27 ah a tla leh thin a,  ni chhuah hma dar 3:55 atangin khua a var fel at tawh a,  tlai  lam ni tlak hnu dar 8:09 velah  khua a thim tan ve chuah  thin.  December  21 ni rei loh ber ni ah chuan  chhun eng, ni chhuah atanga a tlak leh hun hi darkar 9 leh 1 minute  chauh a ni thung a,  ni rei ber ni aiin darkar 7 leh 49 minute  in a inthlau  a nih chu. December 21 ni hian dar 8:03 ah ni a chhuak  a,  3 :53 pm  ah a tla  leh mai thin a,  sana herh danglam  lo ta se,  dar 9:03 ah ni a chhuak ang a,  dar 2:53 ah a tla dawn  tihna a nih chu. 

*Tu ngaihtuah chhuah nge*? 
 Nipui  leh thlasik khaw en chhung inthlau lutuk sana herh danglam  rawt chhuaktu leh nasa taka sawimawitu  chu insatu lar tak pakhat  William  Wilmett  a ni a, ( a hming chawi hian Sana hming Wilmett  pawh  a awm nghe  nghe) 

British  Summer  Time tih leh  Daylight  saving  time an tih bawk hi 1907 kuma  a ngaihtuah  chhuah  a ni a.  A chhan pawh nipui laia  ni rei laiin mi tam ber chu, ni tlangsan ut thleng in an la thawh mumal loh avangin  sana herh hma ni se, tih rawtna chak tak a awm a. Kha tih hun lai  pawh khan țhá khatah £ 2.5 million  ram tan sum thawh chhuah  a pun phah dawn in a chhut a ni. A duh dan tak phei chuan a tahtawl a sana herh hma zel a,  ni rei lai phei chuan 80 minute a herh hma a duh a. Nasa taka a beihna  avangin  British  Parliament  pawhin 1909 khan Daylight  Saving Bill  chu Parliament  ah nemngheh a ni ta a, ( Germany  in an hmang hmasa zawk  thung April 1916).

 British  Parliament  pawhin 1916 kum vek hian Summer  Time Saving Act passed  in May 21 atangin  hman tan  a ni ve ta a,  hemi rual hian heng  ramte  Belgium, Denmark, France, Italy, Luxembourg, the Netherlands, Norway, Portugal,  Sweden, Turkey  ten an zawm ve nghal  bawk.

 Sana  herh danglam  chungchang  ngaihdan  hi Benjamin Franklin  khan 1784 daih tawh khan Chanchinbu  ah a lo ziak tawh nghe nghe a ni. 

Indopui-II  lai khan  British  hian hun engemawti lai phei kha chuan  Oil and Energy  renchem  leh tlak chham avangin darkar  hnih laia sana herh danglam hun an nei. 


*A duhlo  lam ve thung*
Darkar  khat a sana herh  tlai leh hma chungchang  ah hian  tun thleng  khuan an la lung rual thei tak tak chuang lo.  Hun leh Energy  hi kan ren avang hian kan ram mipuite hriselna  leh himna  kan thleng tur a ni lo,  ti pawl an awm tlat bawk a ni.  Thlasik lai ni rei loh laia Sikul naupang chumchiap  te pawh khawvar  hma a Sikul an kal thin hi naupang  hruai  ve theilo tan a him lo a,  an hriselna  pawhin a nghawng  bawk tih tan chhan leh thlasik  lai chuan  hnathawhna  hun pawh hi pawh tawi  tur a ni tih ngaihtuahna atangin Rebecca  Harris  Tory MP chuan  Daylight  Savings  Bill  enthatna  hi a pulut a,  Parliament  erawh  a hmin zo rihlo chu a ni.  *A YouGov* in mipui ngaih dan a lakna  ah chuan Sana herh danglam tha ti 53% an awm laiin tha ti ve lo 32% lai  an awm ve bawk. 

Scotland  hmar lam ah phei khu chuan hetia sana an herh danglam  chung pawh hian dar 10:00 bawr a ni chhuahna leh dar 2 :00 pelh deuh hret a ni a tlak leh mai na te pawh zuk awm tho a!

Hetiang  a nih avang hian thlasik lai ni rei lo lutuk leh Nipui lai ni rei lutuk țhelhna atan darkar khat hi a la tawk lo a ni, ti pawl pawh tha hnem fe an awm ve bawk. 

*Eng thla ah nge*? 
1.  Thlasik in tan dawn October  thla Pathianni  hnuhnung  ber zing lam dar 2:00 ah chiah hian  darkar khat in sana an herh hma thin avangin he hun hi khawvel  pumpuia  Alarm clock  set rual hun tam bera ngaih a ni. 
2.  Nipui in tan dawn March thla Pathianni  hnu hnung ber zanlai dar 1:00  am ah chiah hian  an sana darkar khat  in am herh tlai  leh thin a,  dar 1:00  a rik chiah khan dar 2:00  ah an herh  tlai thin. 

*Inkhawm  hun hai*
Hetianga sana an herh hma hi khawvel pumpuia  inkhawm  țan hun hai, inkhawm tlai tam rual ni ber a ni thin a, March thla Pathianni hnuhung berah hetiang tho hian inkhawm tlai an tam leh țhin a ni. 

*India  sana nen*
Kum tin  GMT  herh danglam a nih thin avang hian India sana nena a in thlauh dan hetiang  hi a ni e. 
March Sunday  hnuhnung  ber atanga  October  Sunday  hnuhnung  ber  thleng India Sana aiin GMT  hi *darkar  4:30 in a tlai*. 
October  Sunday  hnuhnung  ber atanga  March  Sunday  hnuhnung  ber thleng hi GMT  aiin  India  sana hi *darkar  5:30  in a tlai*.

*Sana herh ngai tamna*
Heng hmunah te hian Sana herh danglam  a ngaih tamna zual te an ni a,  zanlai  thleng a  Sana pakhat  herh danglamtu  turin an vilna hmun te. 
_Buckingham  Palace  sana 500_
_Windsor  Castle  sana 379_
_Palace  of Holyroodhouse  sana 80_

Source :
www.gov.uk
The Mirror
The Guardian 
==25==10==20==
Huna Kawlvawm

Post a Comment

0 Comments