Aizawl | October 7, 2020: The Highland Voice atanga mi hriathlawh leh lawm hlawh Dampuia chuan Music video hmasa ber a tichhuak dawn ta.
Dampuia music video thar tur hi Vurtlang tih niin, he hla hi ama phuah a ni nghe nghe.
Music hi Tpa (Moodstation) siam niin, Recording pawh Mood station tho a ni. Video hi Merky & Paul kutchhhuak a ni thung.
He music video-ah hian nula hmeltha tak mai Debbie Pachuau a rawn inlan a, a ni nena hian mawi takin Matthew Peka a rawn inlan bawk.
He music video hi Thla khat chhung buaipui a ni a, Sakawrhmuituai tlang, Maubuang leh Merky Photography’s Studio -ah te shoot a ni
Tun kar tawp lamah hian Zonet lamah dah a ni dawn a, kar khat hnuah an youtube-a MDM channel ah upload a ni bawk ang.
Dampuia chuan, "he video hi keimah chauh chuan buaipui dawn ila ka hlawhchham dawn chiang lutuk a, ka chhungte leh ka thianten theihtawpin min tih pui a, thinlung takin ka lawm a, a chhan chu ka music video hmasa ber tur anih avangin kan uluk ve bawk nen, tin Pathian in a he hla phuah chhuak thei tura theihna min pe hi ka lawm tak zet bawk." tiin a sawi.
EXPLOREMIZORAM.COM leh Dampuia lo inkawm tawhna hetah hian a a awm e.
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
Post a Comment
He post chungchanga i ngaihdan lo sawi ve rawh: