COVID-19 No Tolerance Fortnight nikhatna-ah dan bawhchhia 324 man

Aizawl | October 26, 2020: Mizoram sawrkarin hripui do nana COVID 19 No Tolerance Fortnight ni khatna vawiin khan Aizawl district chhungah COVID-19 hri danna atana sawrkar dan siam bawhchhia mi 324 man an ni.

Sawrkar thuchhuahin a tarlan danin, dan bawhchhia-te pawisa chawi tlingkhawm hi cheng 40,700 a ni.

Dan bawhchhia man te hi Mask (Hmai tuamna) vuah lo tam berin mi 289 an ni a, Social distancing zawm lo in dawtin mi 23 man an ni.

Heng bakah hian Vantlang hmuna chilchhak mi pakua,  Dawr register vawng lo mi pahnih leh  Home Quarantine dan zawm lo pakhat man an ni.

Post a Comment

0 Comments