Virtual meeting hmaingin BJP Mizoram statet excutive thukhawm

Aizawl | September 8, 2020: Nimin khan BJP Mizoram State Executive Virtual Meeting chu BJP Mizoram Pradesh Pu Vanlalhmuaka, State President kaihhruaina hnuaiah neiin, he hunah hian BJP Central Office atangin Pu Ram Madhav, National General Secretary, Pu Bhupendra Yadav, MP, National General Secretary te, Pu Satya Kumar, National Secretary te leh Pu Pawan Sharma Mizoram incharge ten an hmanpui.

He meetingah hian Pu Ram Madhav, National General Secretary in Mizoram Politics dinhmun te, Covid-19 chhunga Mizoram a Central sorkar in sum a pek dan te, VC/LC Election a Mizoram dinhmun te sawiin, Pu Modia kaihhruai Central Sorkar hmalakna  chuan India mipui mitin tan a hma an lak laiin,  Mizoram sorkar Pu Zoramthanga kaihhruai hmalakna erawh chuan  Mizoram mipui a huap zo lo mai pawh ni lovin, MNF Party mi te pawh a huap kim lo hle a ni a ti a, VC/LC Election kan neih takah pawh MNF VC/LC thlang tling lo chu ensan an ni ang ti hialin an campaign a, Hetiang hi an nih phung a nih chhoh mek avangin MNF chuan an daih rei a rin awmloh hle a ni tiin, BJP telna sorkar Mizoramah a pian ngei tur thu he meetingah hian a sawi.

Pu Bhupendra Yadav,MP National General Secretary pawhin thu sawiin, BJP thupui chu Development leh a hnathawh pawh India ram mitinin an mamawh ang Development an hmuh theihna atana thawh hi a ni a. Mizoram Sorkar , MNF Chief  Pu Zoramthanga, kaihhruai  sorkar chu khaw eng pawh zah zo lova, Corrigendum sorkar, Restricted tender sorkar, Central Sorkar Scheme hrang hrang hmanga MNF party vulh len tum leh District Council sorkar te rum thaih a, an chanvo chhuh sak sorkar a ni tiin na takin a dem a. MNF kaihhruai  Pu Zoramthanga Sorkar hi a che buai tan nia sawiin, Guwahati leh Delhi a BJP thian tha ber a in sawi thin , Aizawl khawpui thlen ve leh BJP nuaibo tum a ni leh BJP do tlat a nih thu sawi leh thin hi a lo chin than tawh avangin amah leh a sorkar zia hi central hotuten an hai lova. Tun atanga hun rei lo te ah Central atangin BJP kum 2023 a Sorkar theih nan hma an rawn lak tur thu a sawi bawk.

He meetingah hian Resolution pahnih – Political Resolution leh Economic Resolution pass a ni a.  Mizoram kan retheih chhan leh ei leh bara kan intodelh theih loh chhan chu Mizoram-a sorkarna lo chelh thin tawhtute leh chelh mektute MNF leh Congress party vang a ni a. Mizoram mipuiten a taka development an hmuh theihna atan heng party pahnih hi hnawl a, BJP kaihhruai sorkar hi Mizoram ah hian a tul hle tawh thu lungrual taka pass a ni.

Post a Comment

He post chungchanga i ngaihdan lo sawi ve rawh:

Previous Post Next Post